Një automjet është djegur sot derisa ishte duke qarkulluar në rrugën Prushtinë-Pejë, afër Sllatinës.

Zëdhënësi i Policisë, Daut Hoxha, ka thënë për Telegrafin se është përfshirë nga zjarri vetura e tipit “Renault” me targa vendore dhe nuk raportohet për ndonjë person të lënduar.

“Me datë 10.07.2019 rreth orës 17:40, Policia ka pranuar informatën se një automjet është duke u djegur në rrugen Prishtinë -Pejë afër Sllatines. Menjëherë janë aktivizuar njësitet policore dhe ekipet e zjarrfiksave të cilëët kanë arritur në lokacion”.

“Vetura të cilen e ka kapluar zjarri është e tipit ‘Renault’ me targa vendore dhe fatbardhësisht nuk raportohet për ndonje person të lënduar. Ekzaminimet nga ekspertet kompetent për zjarre do të përcaktojnë se cilat janë shkaqet e përfshirjes nga zjarri të kësaj veture”, ka thënë ai./Telegrafi/