Dashamirët e filmit nga e gjithë bota kanë votuar në IMDb gjatë gjithë vitit, ndërsa tash janë publikuar rezultatet e dhjetë filmave më të mirë të vitit.

Në vend të parë është renditur “Joker”, i cili ka kaluar shifrën e përfitimeve prej një miliard dollarësh.

Vendin e dytë e zë realizimi i Quentin Tarantinos, “Once Upon A Time In Hollywood”, me Leonardo DiCaprio, Brad Pitt, Margot Robbie e Al Pacino në rolet kryesore.

Filmi i shumëpritur “Endgame”, të cilin fansat e Avengers patën mundësi ta shohin nga muaji prill i këtij viti, është renditur në vend të tretë të kësaj liste.

“Captain Marvel” ka zënë vendin e katërt, ndërsa për aktoren Brie Larson është arritje e madhe, pasi përfshihet në këtë listë me dy filma (duke përfshirë edhe “Endgame”).

Vendi i pestë i takon filmit “IT:Chapter 2”, i gjashti “Lion King”, i shtati “Spiderman: Far From Home”, ndërsa tri vendet e fundit në top-dhjetë i kanë zënë “Alita: Battle Angel”, “Aladin” dhe “US”.

Top 10 filmat më të mirë të vitit 2019 sipas IMDb:

Joker

Once Upon a Time in Hollywood

Avengers: Endgame

Captain Marvel

It Chapter Two

The Lion King

Spider-Man: Far from Home

Alita: Battle Angel

Aladdin

Us

/Telegrafi/