Deontay Wilder është suspenduar për gjashtë javë, pas humbjes së pësuar në fundjavën e kaluar nga Tyson Fury.

Bronze Bomber pësoi humbjen  e parë në karrierë dhe humbi titullin WBC për peshat e rënda në boks nga Gypsy King.

Amerikani e kishte të pamundur të merrte pjesë në konferencën për media, pasi stafi ishte i shqetësuar rreth gjendjes së tij aktuale shëndetësore.

Tyson Fury dhe Deontay Wilder. (Photo by Al Bello/Getty Images)

Nga buza dhe veshi i Wilderit rridhte gjak pa ndërprerë shkaku i goditjeve të Tyson Furyt që u ndalën në raundin e shtatë nga hedhja e peshqirit në ring.

Komisioni i boksit në Nevada ka njoftuar se ish-kampioni i peshave të rënda nuk ka të drejtë të stërvitet deri më 23 prill, shkaku i gjendjes së tij shëndetësore.

Pamjet e para tregojnë se stafi i Deontay Wilderit kishte të drejtë për hedhjen e peshqirit në ring në humbjen ndaj Tyson Furyt Pamjet e para tregojnë se stafi i Deontay Wilderit kishte të drejtë për hedhjen e peshqirit në ring në humbjen ndaj Tyson Furyt

Nëse gjendja e tij nuk përmirësohet, atëherë vendimi mund të vlejë deri në 12 javë, në mënyrë që të mos rrezikohet shëndeti i tij.

Wilderit do t’i ndalohet sparringu për fazën gjashtë javore dhe do të përcillet gjendja e tij nga afër, derisa do të kërkojë trilogjinë me Furyn, gjë që mund të ndodhë në fund të këtij vitit. /Telegrafi/