Mbrojtësi kosovar, Florent Hadergjonaj ka debutuar me Përfaqësuesen e Zvicrës.

Anësori pati një stinor të mrekullueshëm në Bundesliga me Ingolstadin duke pranuar edhe ftesën nga Kombëtarja zvicerane.

Hadergjonaj u aktivizua në fillim të pjesës së dytë me Zvicrën ndaj Bjellorusisë ku Zvicra shënoi fitore minimale 1-0.

Paraqitja e Hadergjonajt me Zvicrën u vlerësua lartë nga mediat helvetike.

Gjithsesi, 22-vjeçari ende nuk ka vendosur se për cilën Kombëtare do të luaj në kualifikime pasi ende mund të zgjedhë Kosovën.

Ai javë më parë në një intervistë ekskluzive për Telegrafin deklaroi se nuk ka vendosur ende për kë do të luaj dhe nuk do të paraqitet në ndeshjen kualifikuese për Zvicrën. /Telegrafi/