Futbollisti 22-vjeçar i FC Prishtinës, amerikano-spanjolli, Jalen Aleix Blesa, debutoi me dy gola dhe një asistim ndaj Dukagjinit, në fitoren e skuadrës së tij me rezultat 3-1.
Blesa është futbollisti i dytë pas luftës i skuadrës më i suksesshëm para portave kundërshtare si debutues.
Më parë, nga 1999 kur FC Prishtina ka grumbulluar statistikat, vetëm sulmuesi Astrit Fazliu kishte debutim më efikas.
Fazliu, në vitin 2009, në ndeshjen e parë të edicionit, në stadiumin e qytetit kishte shënuar het-trik në fitoren e lartë kundër Hysit, 5-2. Ishte kjo ndeshje e vlefshme e Superkupës së Kosovës.
Kurse, statistikën e Blesës më parë e kishte arritur vetëm sulmuesi, Oto John. Nigeriani John, i sapoardhur nga Skënderbeu, në vitin 2020, në ndeshjen hapëse të pranverës, kishte realizuar dy gola dhe një asistim kundër Vushtrrisë në fitoren e lartë, 4-1, shkruan faqja zyrtare e klubit.
Jalen Blesa, në stinorin pranveror është paraqitur në skuadrën e Rahovecit, në Ligën e Parë, ku në 12 ndeshje realizoi 10 gola dhe dha dy asistime.
Blesa nuk është futbollisti i vetëm që si realizues i Ligës së Parë transferohet në Prishtinë, pasi që në edicionin 2007/08, po në pranverë, kishte nënshkruar me golgeterin e Ligës së parë të Istogut, Suad Saliagiq./Telegrafi/
Promo
Reklamo këtuLufta Prigozhin - Putin
Më shumëNga Rubrika
Kush do të shpallej kampion në Ligën Premier nëse nuk do të përdorej VAR-i këtë edicion
Mikel Arteta tregon dy ndeshjet kryesore këtë sezon që i kushtuan Arsenalit humbjen e titullit
Aro Muric mund të mbetet pjesë e Ligës Premier – ekipi i njohur shfaq interesim për yllin kosovar
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251