Manchester City ka arritur ta mbrojë titullin e kampionit në Ligën Premier. Ishte një garë e jashtëzakonshme mes Cityt dhe Liverpoolit, ku në fund triumfoi skuadra e Pep Guardiolës me një pikë epërsi.

E për këtë garë ka folur edhe mesfushori belg i Manchester Cityt, Kevin de Bruyne. Ai ka thënë se ka qenë një garë jashtëzakonisht interesante mes skuadrës së tij dhe Liverpoolit.

Të gjitha lajmet nga Man City Të gjitha lajmet nga Man City

“Ka qenë një garë e jashtëzakonshme me dy skuadra shumë të mira, por ne ishim më të mirët dhe festuam”, ka thënë De Buryne.

Kevin De Bruyne. (Photo by Shaun Botterill/Getty Images)

Reprezentuesi i Belgjikës u shpreh në fund se nuk i vije fare keq për Liverpoolin që nuk u bë kampion me 97 pikë.

“Jo nuk më vije keq. Nëse do ta kishim humbur titullin ne as ata nuk do të ndjenin keqardhje për ne. Askush nuk ndjeu keqardhje për mënyrën se si u eliminuam nga Liga e Kampionëve”, përfundoi De Bruyne. /Telegrafi/