COVID-19: Ilaçi popullor kundër dhimbjeve që mund të shkurtojë kohëzgjatjen e shtrimit në spital nga virusi

Një nga zgjidhjet efektive kundër përballjes me vështirësitë nga sëmundjet e frymëmarrjes duket se është vaksinimi, pasi dy doza të vaksinës Pfizer ose AstraZeneca ofrojnë deri në 96 për qind mbrojtje kundër shtrimit në spital, sipas Zyrës për Statistikat Kombëtare.

Tani, studiuesit kanë identifikuar një mënyrë të re që mund të ndihmojë në uljen e kohëzgjatjes së qëndrimit në spital.

Një studim i publikuar në revistën Lancet shikoi lidhjen midis marrjes së aspirinës dhe COVID-19. Aspirina është një qetësues i zakonshëm që përdoret për trajtimin e të gjitha llojeve të dhimbjeve, shkruan Express.co.uk.

Shumica e llojeve janë lehtësisht të disponueshme në shumicën e farmacive, dyqaneve dhe supermarketeve. Prova e re krahasoi marrjen e aspirinës me kujdesin e zakonshëm te pacientët e shtruar në spital me COVID-19. Rreth 177 spitale në Mbretërinë e Bashkuar së bashku me dy spitale të vendosura në Indonezi dhe dy në Nepal morën pjesë në këtë studim.

Grupit të mostrës që mori aspirinë iu dha kujdesi standard plus 150 mikrogramë (mg) qetësues në ditë. Aspirina zakonisht vjen në formën e një tablete 300 mg me dozën e rekomanduar një ose dy tableta çdo katër deri në gjashtë orë, shpjegon NHS. Studimi vazhdoi për pesë muaj nga nëntori 2020 deri në mars 2021.

Rreth 14,892 pacientë u regjistruan në provë dhe u ndanë në dy grupe, njëri merrte aspirinë dhe tjetri i përmbahej kujdesit të zakonshëm. Grupi i aspirinës u shtrua në spital për një kohë “pak” më të shkurtër, me një mesatare prej tetë ditësh.

Një përqindje më e madhe u larguan nga spitali të gjallë brenda 28 ditëve. Marrja e aspirinës lidhej gjithashtu me një rrezik më të ulët të ngjarjeve trombotike. Tromboza përshkruan kur mpiksjet e gjakut bllokojnë enët e gjakut. Kjo mund të çojë në probleme të ndryshme duke përfshirë një atak në zemër. COVID-19 është shoqëruar me shkallë më të lartë të mpiksjes së gjakut tek njerëzit e sëmurë rëndë nga virusi.

Aspirina u lidh gjithashtu me një rritje të ngjarjeve të gjakderdhjes. Kjo për shkak se qetësuesi i dhimbjes është një hollues gjaku, i cili mund t’ju bëjë të gjakoseni më lehtë. Kjo mund të shfaqet si gjakderdhje nga hundët, mavijosje më e lehtë ose gjakderdhje që zgjat më shumë për t’u ndalur kur e preni veten, thotë NHS.

Gjetja kryesore e këtij studimi të ri ishte një nxitje “e lehtë” e daljes së gjallë brenda 28 ditëve dhe një ulje e mundshme në kohëzgjatjen e shtrimit në spital. /Telegrafi/