Joaquin Correa mund të largohet nga Interi vetëm pas një viti qëndrim.

Sulmuesi argjentinas ishte i huazuar te Neroazzurët për gjashtë milionë euro, por që Inter është i detyruar ta blej kartonin e tij nga Lazio për 23 milionë euro të tjera më 1 korrik.

Megjithatë e ardhmja e tij duket larg Serie A, pasi tri skuadra spanjolle janë duke tentuar transferimin e tij.

Reprezentuesi argjentinas nuk ka mundur të shfaqë gjithë potencialin e tij te Neroazzurët duke mbetur vetëm një zgjedhje nga banka për trajnerin Inzaghi.

Megjithatë mund të ndodhë që gjatë afatit kalimtar të verës Correa të rikthehet përsëri në Spanjë, ku kaloi dy sezone te Sevilla.

Valencia, Real Betis dhe Sevilla janë tri skuadrat spanjolle që janë interesuar për transferimin e Correas.

Interi është gati ta shes argjentinasin, por shpreson se do të vije një ofertë rreth 30 milionë euro.

Kujtojmë që sulmuesi argjentinas këtë edicion shënoi gjashtë gola e dhuroi dy asistime në 38 ndeshje./Telegrafi/