Trajneri i Interit, Antonio Conte, ka folur në prag të ndeshjes kundër Napolit, ku është pyetur edhe për duelin mes Romelu Lukakut dhe Kalidou Koulibalyt.

Dyshja do të përballen nesër në një ndeshje shumë të rëndësishme për Interin në rrugën drejt titullit.

Lukaku ka qenë lojtari kryesor i Interit këtë sezon, ndërsa thuhet se do ta ketë të vështirë kundër një mbrojtësi si Koulibaly.

“Ne po flasim për një nga tre mbrojtësit më të fortë në botë, jo çuditërisht kur unë isha te Chelsea e doja në Londër”.

“Nga ana tjetër, Romelu është rritur shumë, por puna në ekip do të jetë gjithmonë e nevojshme”, ka thënë Conte.

Ndeshja mes Napolit dhe Interit zhvillohet të dielën nga ora 20:45. /Telegrafi/