LAJMI I FUNDIT:

CNN e vlerëson Maqedoninë si qendër të ”Fake News” (Foto/Video)

CNN e vlerëson Maqedoninë si qendër të ”Fake News” (Foto/Video)

Shumat marramendëse të fituara nga klikimet dhe nga shërbimet online për të reklamuar, i kanë inkurajuar të rinjtë e Velesit që të krijojnë ”fabrika” të lajmeve të rrejshme, që besohet se kanë ndryshuar rezultatin e zgjedhjeve presidenciale në SHBA.

Telegrafi edhe më herët ka shkruar për këtë fenomen që e vendosi Maqedoninë e vogël të Ballkanit, në krye të.ë hartës botërore.

Facebook dhe Twitter kishin premtuar para disa muajve se do të luftojnë lajmet e rreme që mund të ndikojnë politikën globale para zgjedhjeve në çdo shtet.

Facebook dhe Twitter në ‘luftë’ kundër lajmeve të rreme në Veles
Lexo po ashtu Facebook dhe Twitter në ‘luftë’ kundër lajmeve të rreme në Veles

Por kush e ka drejtuar gishtin tani kah Velesi?
CNN ka përgatitur një storie të tërë për të rinjtë e Velesit të cilët janë si rast që bota dhe teknologjia moderne duhet të ketë kujdes.

Në zgjedhjet e vitit 2022 do të ketë kontroll më të rreptë që të parandalohet shpërndarje e lajmeve nëpër profilet e rrejshme, të regjistruara me adresa në SHBA por realisht, të rinj dhe të etur për para dhe përfitim të shpejtë punojnë nga një kompjutor i tyre.

Në kronikën e CNN për Velesin kanë folur edhe nismëtarët e informimit të rremë të cilët kanë thënë se përfitimet janë të majme. Ndoshta janë më të mëdha se sa prindërit e tyre kanë punuar për të fituar gjatë tërë jetës.

Mile Boshnjakovski, zëdhënës i Qeverisë së Maqedonisë ka thënë se janë të gatshëm që t’i bashkangjiten aksionit global për të parandaluar shpërndarjen e lajmeve të rreme.

Sfida mes informimit dhe ”parave të lehta” për të rinjtë e Velesit është sfidë e autoriteteve në SHBA.

Kronikën e plotë mund ta ndjekni këtu./Telegrafi/

Studentët nga Velesi: Nuk kemi ndikuar në fitoren e Trump (Foto)
Lexo po ashtu Studentët nga Velesi: Nuk kemi ndikuar në fitoren e Trump (Foto)