Mbrëmë janë zhvilluar gjashtë ndeshje në ligën më të fortë të basketbollit në botë.

Nënkampioni i NBA-s, Cleveland Cavaliers ka pësuar edhe një humbje që nga largimi i LeBron James.

Cavs kësaj radhe ishin viktimë e skuadrës së Dennver Nugetts, e cila triumfoi 19 pikë diferencë, 110-91.

Vetëm çereku i parë i takoi ekipit të Clevelandit, gjersa në tre të tjerët më të suksesshëm ishin kundërshtarët e papërpshtatshëm.

Jordan Clarkson ishte basketbollisti më efikas i Cavaliers me 17 pikë gjersa 13 sosh i shtoi edhe Cedi Osman, por që nuk ishin të mjaftueshme për të shmangur humbjen e radhës.

Në anën tjetër më i miri në parket ishte Juan Hernangomez, i cili realizoi 23 pikë ndërsa u ndihmua edhe nga Paul Millsap që shtoi 16 pikë.

Pas kësaj, Cleveland ka bilanc prej një fitoreje dhe shtatë humbjeve gjersa Nuggets kanë arritur deri më tani shtatë fitore dhe një humbje.

Cavaliers në ndeshjen e radhës do të takohen me Charlotte Hornets kurse Denveri do të balllafaqohet me Utah Jazz. /Telegrafi/

Rezultatet tjera:

Charlotte 107-111 Oklahoma

Philadelphia 122 113 L.A. Clippers

Atlanta 115-146 Sacramento

Boston 117-113 Milwaukee

Portland 132-119 New Orleans