LAJMI I FUNDIT:

Clemens Koja: Deputetët t’i vendosin interesat e vendit para gjithçkaje

Clemens Koja: Deputetët t’i vendosin interesat e vendit para gjithçkaje
-->

Kuvendi dhe udhëheqësit politikë duhet të marrin vendime në lidhje me perspektivat e ardhshme të vendit. Kur pyetje të tilla vijnë në Kuvend, deputetët kanë një përgjegjësi për të vënë interesat e vendit mbi çdo gjë tjetër, thotë kreu i Misionit të OSBE-së në Shkup, Clemens Koja, përcjell Telegrafi Maqedoni.

Ai në intervistë për AIM-në tha se me kërkesën e opozitës për të zgjedhur kryeprokuror të ri si një kusht për mbajtjen e zgjedhjeve të parakohshme, për të cilën nga qeveria thonë që kërkojnë amnisti për ish-udhëheqësin Nikolla Gruevskin, OSBE në vazhdimësi do ta mbështet përgjegjësinë, duke përfshirë të gjitha abuzimet e pretenduara të publikuar nga bisedat e përgjuara telefonike.

“Misioni ynë ndjek rastet PSP-së që nga fillimi dhe ne vazhdojmë të monitorojmë gjykimet në vazhdim. Kohët e fundit kemi publikuar një raport të përkohshëm me gjetjet tona, duke shënuar sfidat dhe sukseset e PSP-së, si dhe disa rekomandime që mund të kontribuojnë në avancimin e sistemit ligjor. Mendoj se çështja e përgjegjësisë është në fakt një çështje për sundimin e ligjit. Janë ngritur aktakuza serioze, akuzat janë konfirmuar nga gjykatat dhe gjykimet janë në pritje. Të pandehurit kanë të drejtën e një gjykimi të drejtë dhe natyrisht duhet të konsiderohen të pafajshëm para se të provojnë fajësinë. Unë besoj se epilogu i mashtrimit të përgjimit duhet të shkruhet përmes procesit ligjor”, thotë Koja.

Ai vlerëson gjithashtu se sistemi kombëtar i drejtësisë është përballur me shumë sfida gjatë viteve të fundit./Telegrafi/