Çka përmban kapitulli i tetë i procesit të skriningut të BE-së në Maqedoni?

Në Maqedoni ekziston optimizëm për anëtarësim në institucionet euro-atlantike, në BE dhe në NATO.

Procesi i skriningut për Maqedoninë do të thotë shumë punë ku do të duhet të kyçen shumë institucione vendore dhe organizata jo-qeveritare që kanë përvojë në këtë proces nga vizitat e punës nëpër vendet evropiane.

Sipas faqes zyrtare të Komisionit Evropian, zyrës për Zgjerim dhe Fqinjësi të mirë, ky proces do të thotë “Ngjizje të planeve dhe ligjeve për integrim në BE të vendeve që tentojnë anëtarësimin”

I gjithë procesi i skriningut ka 35 kapituj të cilat duhet të kalohen me shumë kujdes thuajse nëpër të gjithë institucionet dhe drejtoritë e shtetit, njofton Telegrafi Maqedoni.

Lexo po ashtu Çka është procesi i skriningut dhe çka do të thotë për Maqedoninë

Kapitulli i tetë: Rregullat për konkurrencën
Ky kapitul në mes BE-së dhe Maqedoni duhet të parandalojë mos-besimin e qytetarëve ndaj institucioneve dhe të përforëcojë që të vlerësohet procesi i meritokracisë në konkurrencë.

Rregullat për konkurrencën sipas këtij kapitulli janë do të parandalojnë konkurrencën e pandershme dhe dëmtimin e imazhit të konkurrentit në veprimtari të njejta.

Veprimi dominant në treg (monopolizimi) do të jenë të ndaluara me ligjet e reja, të harmonizuara nga BE.

Sipas ligjeve në Maqedoni pas procesit të skriningut, shteti duhet të hetojë kapitalin, themeluesit dhe udhëheqësit e ndërmarrjeve konkurruese, me qëllim që mos ju ndihmohet kompanive që kanë ndonjë lidhje me pushtetin.

Këto rregulla dhe ligje tani janë të zbatuara në të gjithë shtetet e Bashkimit Evropian kurse mbikqyrës është Komisioni Evropian.

Telegrafi Maqedoni në ditët në vazhdim do t’ju sjell harmonizimi e ligjeve të Maqedonisë, pas procesit të skriningut në vend, sipas çdo kapitulli. /Telegrafi/