Nënkryetarja e Partisë Demokratike të Kosovës (PDK), Vlora Çitaku, në emisionin “Përballje” në Telegrafi, me kryeredaktorin Muhamet Hajrullahu ka folur për formimin e Kabinetit të Qeverisjes së Mirë nga PDK duke dhënë detaje se cili do të jetë roli dhe funksionin i këtij kabineti.
Çitaku e cila njëherit do të jetë udhëheqëse e departamentit për Politikë të Jashtme dhe Agjendë Evropiane në këtë kabinet, ka thënë se PDK do të jetë opozitë reale e Lëvizjes Vetëvendosje dhe kryeministrit Albin Kurti.
Ajo u shpreh se për një kohë në Kosovë ka pasur opozitë nihiliste e cila shpeshherë ka përdorur metoda jopolitike për të kundërshtuar çështje të rëndësishme në vend.
“Për një kohë të gjatë Kosovës i është imponuar një formë atipike e opozitë-bërjes, me vite të tëra kemi pasur një opozitë nihiliste që vetëm ka kritikuar dhe ka përdorur metoda jopolitike për të ngritur zërin e saj. Ne duam ta ndryshojmë këtë praktikë, dhe të dëshmojmë që roli i opozitës nuk është rrënues, mohues, por rol kritikues dhe të ofrojë alternativë”, u shpreh Çitaku.
Nënkryetarja e PDK-së, theksoi se roli kryesor i Kabinetit për Qeverisje të Mirë do të jetë që të jap alternativën qeverisëse sa herë që të jetë nevoja, por nëse ka vullnet dhe gatishmëri nga Qeveria edhe të ndihmojmë në procese të rëndësishme.
“Në qendër të saj është agjenda e gjelbër, transformimi digjital, mërgata, bashkëpunimi rajonal e me radhë. Ne në disa pika do të zgjerojmë dhe ndërtojmë e fuqizojmë konsensusin jo vetëm politik por edhe shoqëror për politikën e jashtme të Kosovës. Ne do të mundohemi që edhe me grupin parlamentar dhe kryesinë dhe figurat e reja që do t’i bashkëngjiten kabinetit për qeverisje të mirë, ta zgjerojmë platformën”, u shpreh Çitaku.
Çitaku theksoi se brenda 15 departamenteve që janë pjesë përbërëse e kabinetit për qeverisje të mirë, do të ketë edhe deputetë të Kuvendit të Kosovës.
“Opozitë duhet të ketë edhe sikur qeveria do ta bënte punën më së miri. Fatkeqësisht në këtë vit qeverisje ne nuk kemi parë asnjë vepër konkrete, asnjë projekt kapital, asnjë investim serioz kemi pa në shumicën e rasteve një abstenim nga qeverisja. Ne kemi dashtë që kësaj shumice të fuqishme parlamentare t’ia japin tërë kohën, mirëpo tashmë ka kaluar më shumë se një vit dhe ne nuk kemi parë asnjë veprim konkret nga ana e Qeverisë për projekte kapitale, investime serioze”, tha Çitaku.
Në këtë intervistë nënkryetarja e PDK-së ka folur edhe për aplikimin e Kosovës në Këshill të Evropës duke thënë se do t’i japin mbështetje të plotë kësaj iniciative e gjithashtu edhe për vizitën e kryeministrit Albin Kurti në Shtetet e Bashkuara të Amerikës. /Telegrafi/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Këshilltari i kryetarit shqiptar në Zubin Potok për mediat në Serbi: Lista Serbe e ka fajin për gjithçka
Përshkallëzohet sërish protesta e opozitës, hidhet molotov në derën e Bashkisë
“Kryeministër si 2, si 7, si 27, është ngacmim seksual”, Lëvizja Studentore Feministe me aksion simbolik
QKUK-ja bëhet me skanerin PET/CT, donacion nga organizata "Alwaleed Philanthropies Global" në bashkëpunim me Fondacionin “Jahjaga”
Dorëzimi i donacioni i PET/CT, Osmani takon princeshën Alsaud – flasin për projektet tjera në interes të qytetarëve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre