Derisa lideri i Serie A, Inter, është mjaft afër prekjes së skudetos edhe në këtë sezon, shtrohet pyetja se kush ka qenë Lojtari i Sezonit për kampionin italian. Në tekstin e mposhtëm, do të paraqesim një listë prej pesë nominimeve të bëra nga portali Goal, në tentim për ta zgjedhur më të mirin nga nerazurët.
1) Julio Cesar
Braziliani vërtetë e ka ngritur veten në njërin prej portierëve më të mirë në Serie A dhe tashmë është në luftë me portierin e Fiorentinës, Sebastien Frey, për epitetin e portierit të dytë më të mirë, pas atij të Juventusit, Gianluigi Buffon. Derisa Inter ka filluar të dobësohet që nga shkurti, Cesar ka vënë vulën dhe ka treguar një varg paraqitjesh të mira, ku ka qenë lojtari i ndeshjes në disa momente të rëndësishme për Interin. Ai e ka ruajtur 14 herë portën e pastër në ndeshjet e deritanishme të këtij sezonit në Serie A.
2) Ivan Cordoba
Kolumbiani pa dyshim ka qenë mbrojtësi më i mirë këtë sezon në Serie A, edhe pse sezoni për të përfundoi më herët, pasi që përjetoi një lëndim në ndeshjen e Ligës së Kampionëve përballë Liverpoolit, në Anfield, më 19 shkurt. Roli i rëndësishëm i Cordobës në Inter, u pa edhe nga fakti që menjëherë pas mungesës së tij, zikaltrit arritën vetëm një herë të mbajnë portën e paprekur, në tetë ndeshjet e radhës, që kërcënoi edhe dominimin e tyre në kampionat.
3) Douglas Maicon
Siç qarkullojnë fjalët, babai i Maicon, ka dëshiruar ta emërojë djalin e tij Michael Douglas, sipas aktorit të famshëm amerikan, por ishte keqkuptuar në zyrën e regjistrimit, andaj edhe sot quhet Maicon. Mbrojtësi i Interit ka qenë një bombë në krahun e djathtë gjatë gjithë sezonit. Braziliani, ende nuk është ambientuar mirë me pozicionin e tij në Inter, por megjithatë ka qenë një shtyllë shumë e rëndësishme e triumfit të ekipit.
4) Esteban Cambiasso
Deri në shkurt Cambiasso ka qenë pa dyshim lojtari më i dalluar për Interin, këtë sezon. Por, që nga ndeshja me Liverpoolin, paraqitja e tij mbeti nën hijen e bashkëvendasit të tij tek të kuqtë, Javier Mascheranos. Edhe emrat si Angelo Palombo, Daniele De Rossi dhe Momo Sissoko kanë dominuar në pozicionin e mesfushorit defensiv në klubet e tyre gjatë muajve të kaluar. Megjithatë, së fundi Cambiasso ka filluar të gjejë sërish veten dhe të rikthejë ngadalë formën e shkëlqyeshme të muajve të parë të sezonit.
5) Javier Zanetti
Megjithëse në sezonin e 13-të të tij në këtë klub, është e pranueshme për të gjithë se Zanetti ka qenë një prej lojtarëve më të mirë të Interit në secilin prej këtyre viteve. Kuantiteti dhe kualiteti i argjentinasit, i cili në gusht do të mbushë 35 vjet, është tërësisht i dukshëm. Kapiteni ka udhëhequr në mënyrën më të mirë të mundshme ekipin e tij dhe ka qenë shembull për të tjerët, pa dhënë asnjë shenjë dorëzimi. Zanetti ka munguar vetëm në një ndeshje të Serie A, ndërsa shënoi edhe golin vendimtar gjatë barazimit kundër Romës.
Kush sipas jush do të meritonte të quhej Lojtari i Sezonit për Interit, apo do të duhej të presim fundin e sezonit? Ndoshta janë lënë anash edhe shumë lojtarë të tjerë, që së fundi kanë dështuar të dëshmohen (Ibrahimoviq, Cruz)?
Promo
Reklamo këtuLufta Prigozhin - Putin
Më shumëPublikohen pamje të papara më herët të grushteve brutale të Usyk ndaj Furyt
Guardiola u ‘rrëmbye’ nga lotët pas fjalëve që Kloppi i tha për të në ditën e fundit në Angli
Carlo Ancelotti ka marrë vendimin e madh për finalen e Ligës së Kampionëve
Zbulohen tri fanellat e reja të Real Madridit për sezonin e ardhshëm
Rio Ferdinand tregon haptas lojtarin i cili duhet të largohet nga Manchester United
Kroacia publikon listën preliminare prej 35 lojtarëve për EURO 2024
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit