LAJMI I FUNDIT:

Chelsea do të apelojë vendimin e FIFA-s për ndalimin e transferimeve

Chelsea do të apelojë vendimin e FIFA-s për ndalimin e transferimeve
Chelsea (Foto: Clive Rose/Getty Images/Guliver)

Chelsea ka konfirmuar se ata do të apelojnë vendimin e FIFA-s për t’i ndaluar ata nga regjistrimi i lojtarëve të rinj për dy afatet e ardhshme të transferimeve.

FIFA zbuloi se Chelsea u gjet fajtor për shkelje të rregullave në lidhje me nënshkrimin e 29-të lojtarëve të mitur.

Kështu, shtëpia më e madhe e futbollit në botë vendosi t’i dënojë ata me një ndalesë transferimi për dy afatet e ardhshme kalimtare dhe gjobë 460 mijë funte.

FIFA dënon Chelsean për transferimin e të miturve, Blutë nuk mund të transferojnë në dy afatet e ardhshme
Lexo po ashtu FIFA dënon Chelsean për transferimin e të miturve, Blutë nuk mund të transferojnë në dy afatet e ardhshme

Megjithatë, Blutë kanë reaguar me anë të një deklarate zyrtare duke konfirmuar se ata do të apelojnë këtë vendim të FIFA-s.

“Chelsea FC ka marrë sot një vendim nga Komiteti Disiplinor i FIFA-s lidhur me shkeljet e pretenduara të Rregulloreve të FIFA-s që kanë të bëjnë me transferimin ndërkombëtar të lojtarëve nën moshën 18 vjeçare”.

“Vendimi imponon ndalimin e transferimeve në dy afatet e ardhshme dhe një gjobe prej 600 mijë frangave zvicerane. Chelsea FC kategorikisht hedh poshtë rezultatet e Komitetit Disiplinor të FIFA-së dhe prandaj do të apelojë vendimin”.

Chelsea (Foto: Catherine Ivill/Getty Images/Guliver)

“Klubi dëshiron të theksojë se respekton punën e rëndësishme të ndërmarrë nga FIFA në lidhje me mbrojtjen e të miturve dhe ka bashkëpunuar plotësisht me FIFA-n gjatë gjithë hetimeve të saj”.

Chelsea dhe katër klube tjera të Ligës Premier në hetime nga FIFA, Blutë rrezikojnë ndalesë transferimesh për dy vite
Lexo po ashtu Chelsea dhe katër klube tjera të Ligës Premier në hetime nga FIFA, Blutë rrezikojnë ndalesë transferimesh për dy vite

“Fillimisht, Chelsea FC u akuzua sipas neneve 19.1 dhe 19.3 në lidhje me 92 lojtarë. Ne mirëpresim faktin se FIFA ka pranuar se nuk ka pasur shkelje në lidhje me 63 prej këtyre lojtarëve, por klubi është jashtëzakonisht i zhgënjyer që FIFA nuk ka pranuar paraqitjet e klubit në lidhje me 29 lojtarët e mbetur”.

“Chelsea FC veproi në përputhje me rregulloret përkatëse dhe së shpejti do të paraqesë ankesën e saj në FIFA”, thuhet në deklaratën e Bluve. /Telegrafi/

Në trend Sport

Më shumë
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
Barcelona ka dy javë kohë për të zgjedhur numrin 10 – në klub kanë tri opsione

Barcelona ka dy javë kohë për të zgjedhur numrin 10 – në klub kanë tri opsione

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Bayern Munich e ka seriozisht me Arda Gulerin

Bayern Munich e ka seriozisht me Arda Gulerin

Bundesliga

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
Kalo në kategori