Irani iu përgjigj vrasjes ku Shteteve e Bashkuara vranë zyrtarin e saj të lartë ushtarak, gjeneral Qassem Soleimani, duke gjuajtur mbi një duzinë raketa balistike në dy objektet ushtarake amerikane në Irak të martën mbrëma.

Për situatën e krijuar tashmë kanë raportuar të gjitha mediat botërore, duke e cituar si një situatë të rrezikshme atë që është krijuar mes këtyre dy shteteve.

Reperja me famë botërore, Cardi B, njëherësh ndër emrat më të pëlqyer të muzikës hip-hop në botë, u ka dalë së fundmi në mbështetje iranianëve.

Ajo publikoi një video të një interviste të një qytetari iranian, i cili para kamerave thotë se populli iranian i do amerikanët, por jo edhe presidentin e tyre.

View this post on Instagram

Voice of Iranians.They not terrorist.Trump is .

A post shared by Cardib (@iamcardib) on Jan 8, 2020 at 8:17am PST

“Zëri i iranianëve. Ata nuk janë terroristë. Trumpi është”, ka shkruar Cardi B në mbishkrimin e kësaj video, të publikuar në rrjetin social Instagram.

Ndërkohë, reperja ka marrë komente të shumta nga ndjekësit e saj, të cilët janë pajtuar me mendimin e saj.

Cardi B (Foto: Steven Ferdman/Getty Images/Guliver)

Njëra ndër komentueset ishte edhe këngëtarja Selena Gomez, e cila i ka lënë në koment një emoji të mërzitur, me ç’rast ka treguar se po bashkëndjen dhimbjen me atë se çfarë po ndodh. /Telegrafi/