Capital T: Nuk ka nevojë më për ndihma, keqpërdorimet që po bëhen t’i mbajnë në ndërgjegjen e tyre

Prej shumë artistëve shqiptarë është edhe reperi Capital T, i cili i ka ndihmuar në masë të madhe personat e prekur nga tërmetet në Shqipëri.

Ndonëse po vazhdon të jetë mjaft i angazhuar, i njëjti së fundmi ka njoftuar se nuk ka nevojë më për ndihma, pasi në depot shtetërore kanë filluar edhe të keqpërdoren shumë nga gjërat materiale të sjellura nga Kosova.

Ai ndër të tjerash apelon se të gjithë ata që dëshirojnë të kontribuuojnë me ushqim, veshmbathje e gjëra të tjera t’i dërgojnë ndihmat direkt te nevojtarët.

“Apel, s’ka më. Nevojë për ndihma në depot shtetërore që thuhet se edhe po keqpërdoren, sepse të gjitha depot që mbledhin ushqim e veshmbathje që kontrollohen nga shteti janë të stërmbushura”.

Lexo po ashtu Capital T niset për në Shqipëri, vazhdon të solidarizohet me të prekurit nga tërmeti

“Dhe sipas informacioneve që kam nuk po shpërndahen te njerëzit në nevojë por po ruhen për qëllime të tjera. Tani ndihmat i bëni direkt nëpër fshatrat e prekura ku keni mundësi ndërsa keqpërdorimet që po bëhen le t’i mbajnë në ndërgjegjet e tyre ata që po i bëjnë sepse gjithçka zbulohet shumë shpejt”, ka shkruar ndër të tjerash 28-vjeçari.

View this post on Instagram

💔💔💔 Situata eshte e rende, mijera njerz qe bertasin per ndihma, rremuje e madhe gjithandej, prej neser fillon puna e madhe, e nisem per pak familje e do ta çojme deri ne fund evakuimin nga zonat e rrezikshme dhe strehimin e te gjithe atyre qe kan nevoje 🙏🏻.

A post shared by Capital T (@truekapo) on Nov 27, 2019 at 1:06pm PST

Ditën e djeshme, Kapo ka qëndruar tërë kohën atje dhe në Kosovë bëri të ditur se ka arritur t’i sistemojë 200 persona në bashkëpunim me shokët e tij të shkollës së mesme.

“Arritëm të sistemojmë rreth 200 persona në kohë rekord për 40 minuta. Së bashku me shoqërinë e shkollës së mesme që pa hezitu mirëpriten thirrjen time me një vullnet të jashtëzakonshëm”, thuhet në njoftimin e reperit. /Telegrafi/