Calvin Harris ndahet nga e dashura e tij prej katër vitesh, Aarika Wolf

Calvin Harris është ndarë nga e dashura e tij modele Aarika Wolf pas katër vitesh së bashku.

Çifti jetonte në Kaliforni, por marrëdhënia e tyre u tensionua pasi Calvin vendosi të kalonte më shumë kohë larg ShBA-së, shkruan The Sun.

Ata vendosën të ndaheshin reciprokisht pas një diskutimi për të ardhmen e tyre së bashku, gjatë të cilit u bë e qartë se distanca do të ishte një problem.

Një burim tha: “Ndarja e tyre është miqësore, por marrëdhënia e tyre ishte e tensionuar prej shumë kohësh”.

“Calvin donte të kalonte më shumë kohë larg ShBA-së, përfshirë fermën e tij në Ibiza, por Aarika është e vendosur të qëndrojë në Shtetet e Bashkuara”.

“Ai ka një vit të ngarkuar me shumë koncerte të rezervuara që do të thotë se ai do të jetë larg rrugës edhe më shumë”, tha burimi.

“Ata diskutuan të ardhmen e tyre si çift dhe vendosën se tani është një kohë e mirë për të vendosur. Është vërtet e trishtueshme, por të dy e dinë se është për të mirën e tyre”, theksoi burimi.

Pavarësisht se dyshja vendosën të ndaheshin së fundmi, ata nuk janë fotografuar së bashku prej disa muajsh.

Çifti ka një histori të gjatë pas takimit të tyre të parë, i cili nisi kur modelja ishte protagoniste në klipin e tij “Blame”, të vitit 2014.

Ata filluan të takoheshin seriozisht në vitin 2018 dhe treguan përkushtimin e tyre ndaj njëri-tjetrit duke marrë së bashku në familjen e tyre një retriever të artë të quajtur Boris dhe një mace të quajtur Gregg.

Në muajt e fundit Calvin ka qenë i fokusuar në regjistrimin e një albumi të ri dhe javën e kaluar njoftoi një koncert në Hampden Park në Glasgow për në muajin korrik, biletat për të cilin tashmë janë është shitur.

Albumi i tij i fundit i plotë, “Funk Wav Bounces Vol. 1”, u publikua në vitin 2017 dhe që atëherë ai ka lëshuar tri mini-albume nën pseudonimin e tij “Love Regenerator”.

Por ai pritet të publikojë një album të ri me emrin e tij në fund të këtij viti.

Në janar, The Sun zbuloi se DJ ishte duke punuar në një fermë të cilën e kishte blerë në Ibiza, pasi kishte shitur dy pallatet e tij në Los Angeles.

Pasuria prej 138 hektarësh e quajtur Terra Masia është ferma më e madhe organike e ishullit dhe gjithashtu mirëpret ngjarje të veçanta duke përfshirë dasma.

Verën e kaluar Calvin shënoi hitin e tij të 27-të të renditur në Top 1, kur bashkëpunoi me Tom Grennan për këngën “By Your Side”.

Duke folur në atë kohë ai tha: “Nuk mund të mendoja për dikë tjetër që mund t’i përshtatej, të jem i sinqertë me ju”.

“Fillova ta ndiqja në Instagram. Dhe u mahnita nga pozitiviteti i tij, nga pozitiviteti i tij i pamëshirshëm në postimet e tij”, tha DJ për Grennan.

“Kështu që kur kuptova se si do të tingëllonte kënga, ai dukej si një zgjedhje kaq e qartë”, kishte thënë tutje ai. /Telegrafi/