Frontmeni i “U2”, Bono Vox, pret që zëri t’i rikthehet, në mënyrë që t’i mbajë të gjitha koncertet në kuadër të turneut të tij.

Ditë më parë u anulua një koncert i grupit irlandez në Berlin, për shkak të problemeve të këngëtarit me zërin.

“Kam qenë te një mjek i shkëlqyer. Jam i lumtur dhe i qetë që asgjë nuk është serioze”, ka thënë Bono.

Fansat e “U2” ishin zhgënjyer pas ndërprerjes së koncertit vetëm pak kohë pasi kishte filluar. Grupi nga Dublini i intepretoi disa kënga, ndërsa më pas vokalisti i kërkoi falje publikut duke u thënë se nuk mund të vazhdonte.

Lajmet për U2 Lajmet për U2

Fillimisht, publikut iu kumtua se ishte fjala për një pushim të shkurtër, por më pas u informuan se koncerti nuk do të vazhdojë.

Mirëpo, Bono u ka premtuar se grupi do të mbajë një koncert tjetër në të ardhmen, për t’ua shpaguar këtë ndërprerje.

“Ishte një atmosferë e shkëlqyer, duhet të ishte një mbrëmje e paharruar, por nuk ishte për shkak të kësaj (problemit me zërin). Mezi e presim datën 13 nëntor që të kthehemi ka thënë këngëtari.

Bonos “i humbi” zëri derisa ishte duke kënduar këngën “Red Flag Day”, ndërsa fansat i kanë uruar shërim të shpejtë. /Telegrafi/