Sot (e mërkurë) në vendin tonë për vizitë njëditore ka qëndruar legjenda e futbollit kroat, Zvonimir Boban, që aktualisht mban postin e shefit të futbollit në UEFA. Boban ka pasur ditë të ngjeshur me takime. Ai, fillimisht në shoqëri të presidentit Agim Ademi është pritur nga ministri i sportit, Hajrulla Çeku dhe zëvendësministrja Daulina Osmani.
Në këtë takim Boban u njoftua për programin e Qeverisë së Kosovës për sportin në përgjithësi e në veçanti për infrastrukturën sportive të futbollit. Po ashtu gjatë këtij takimi u diskutua për hapat konkretë për avancimin e mëtejmë të futbollit kosovar në arenën ndërkombëtare.
Më pas shefi i futbollit në UEFA është pritur nga i pari i kryeqytetit, Përparim Rama, ku po ashtu ka mbizotëruar një bisedë mjaft pozitive për zhvillimin e futbollit. Gjatë këtij takimi u diskutuan ide të ndryshme për realizimin e projekteve në përkrahje të futbollit për kryeqytetin dhe jo vetëm, teksa në shenjë mirënjohje për vizitën kryetari i Prishtinës mysafirin e nderoi me figurën simbol të kryeqytetit “Hyjneshën në fron”.
Pas vizitave në institucione Boban u prit në mënyrë madhështore në selinë e FFK-së, nga ish-futbollistë të gjeneratës së rezistencës dhe talente të së ardhmes. Përveç vizitës në ambientet e selisë, ai, pati takim edhe me KE të FFK-së, ku e përgëzoi presidentin Ademi dhe bashkëpunëtorët e tij për progresin e bërë në katër vitet e fundit. Bashkë me KE të FFK-së, legjenda kroate vizitoi edhe Kampin Nacional në Hajvali, ku po ashtu lavdëroi punën dhe përkushtimin e drejtuesve të FFK-së në përmirësimin e infrastrukturës sportive, teksa mbolli edhe një fidan në kopshtin e këtij kampi.
Ndërkaq, në drekën e përbashkët krahas anëtarëve të KE-së ishin edhe yjet e futbollit kosovarë, shumë prej të cilëve ishin përballur në fushën e gjelbër me yllin e Dinamos së Zagrebit. Më pas, Boban bashkë me presidentin Ademi bënë homazhe tek shtatorja e legjendës, Fadil Vokrri dhe mori pjesë në ndeshjen kualifikuese për Euro 2023 të kombëtareve U17, Kosovë – Itali.
Në fund, Boban foli edhe për mediat për vizitën e tij në Kosovë. Ai vlerësoi se Kosova ka bërë punë të madhe në përmirësimin e infrastrukturës në vitet e fundit.
“Jam shumë i impresionuar sa shumë ka ndryshuar Prishtina në këto katër vjet. Njerëzit këtu meritojnë të jetojnë më mirë. Ju uroj të gjithë juve për ndërtimin e kësaj infrastrukture të futbollit. Federata ka bërë punë të madhe. E pashë që e keni edhe mbështetjen e Qeverisë dhe të kryetarit të kryeqytetit. Ju jeni një shtet i ri dhe keni bërë arritje të madhe. Nga pikëpamja e futbollit, ju keni shumë talente, derisa edhe në aspektin e infrastrukturës qëndroni më mirë sepse keni Kampin Nacional, gjë që nuk e ka Kroacia. Asnjëherë nuk është e lehtë t’i krahasosh gjërat, por këtu federata shihet se është duke bërë punë shumë të madhe”, ka theksuar Boban.
Ndërkaq, presidenti Agim Ademi, theksoi se vizita e një personaliteti si Boban është jashtëzakonisht e rëndësishme për futbollin kosovar. Ai tha se ylli i botës, Zvonimir Boban ka ardhur për të parë nga afër situatën në infrastrukturë dhe në përgjithësi zhvillimin e futbollit në Kosovë.
“Gjatë takimeve të sotme kemi diskutuar për përmirësimin e mëtejmë të infrastrukturës, veçmas për ndërtimin e një stadiumi nacional, i cili do të ishte imazh për shtetin tonë, por edhe për ngritjen e mëtejme të kampionatit vendor”, ka theksuar Ademi.
Lufta Prigozhin - Putin
Më shumëNga Rubrika
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Dy yjet e Gironas u goditën kokë më kokë, u dërguan menjëherë në spital
“Nuk ishte gabim i Araujos, ishte meritë e imja” – Barcola kthehet të flas për momentin vendimtar në ndeshjen Barcelona-PSG
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre
Dy yjet e Gironas u goditën kokë më kokë, u dërguan menjëherë në spital
Driblim që ta kujton "Fenomenin" - Mbappe turpëroi lojtarin kundërshtar
“Nuk ishte gabim i Araujos, ishte meritë e imja” – Barcola kthehet të flas për momentin vendimtar në ndeshjen Barcelona-PSG
"Ai tha se na gënjeu", Toni Kroos zbulon fjalët Carlo Ancelottit përpara El Clasicos
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën