Blue Origin arkëtoi gati 100 milionë dollarë për udhëtimet e ardhshme në hapësirë

Jeff Bezos tha se kompania e tij hapësinore Blue Origin po i afrohet 100 milion dollarëve të shitjes së biletave për disa njerëz që duan të shkojnë hapësirë.

“Kërkesa është shumë, shumë e lartë. Kështu që ne do të vazhdojmë pas kësaj, sepse me të vërtetë duam të praktikojmë me këtë automjet. Kështu që do të duhet të ndërtojmë më shumë nxitës për të fluturuar më shpesh dhe do ta bëjmë atë dhe do të punojmë në gjërat operacionale që duhet të bëjmë, të gjitha gjërat që kemi mësuar”, tha ai, raporton cnn.

Lexo po ashtu Jeff Bezos flet për herë të parë pasi e vizitoi hapësirën

Pasi Bezos dhe ekuipazhi përfunduan fluturimin e tyre hapësinor sot, Blue Origin njoftoi se është e hapur për shitjet e biletave, transmeton Telegrafi.

Ata që janë të interesuar të fluturojnë në udhëtimin e ardhshëm, Blue Origin u ka kërkuar që t’i dërgojnë kompanisë një email – por ata nuk zbuluan sa do të kushtojë një biletë. Blue Origin ende nuk ka shitur bileta për publikun e gjerë, por vetëm për disa persona të përzgjedhur.

Bezos tha se po planifikon dy fluturime të tjera këtë vit dhe më shumë në të ardhmen.

Bezos e krahasoi këtë fluturim të parë hapësinor me atë duke filluar me Amazon.

Lexo po ashtu Gruaja më e moshuar që e vizitoi hapësirën: Nuk e mendoja se do ta arrijë këtë ndonjëherë

“Ajo që ne po bëjmë është hapi i parë i diçkaje të madhe. Dhe unë e di se si ndihet. Unë e bëra atë tre dekada më parë, gati tre dekada më parë, me Amazon. … Ju mund ta kuptoni kur jeni në diçka. Dhe kjo është e rëndësishme. Ne do të ndërtojmë një rrugë në hapësirë në mënyrë që fëmijët tanë dhe fëmijët e tyre të mund të ndërtojnë të ardhmen”, tha Bezos.

Ndryshe, raketa Blue Origin ka qëndruar për 11 minuta në hapësira ku në ekuipazh ishte 18-vjeçari, Olivier Daemen si dhe një 82-vjeçarja, Wally Funk të cilët shkruan histori shkaku i moshës së tyre. /Telegrafi/