Me turneun final të Kupës së Kosovës përfundojnë garat për skuadrat elitare të hendbollistëve. Ndeshjet gjysmëfinale të Kupës janë të premten (nesër), në palestrën e qytetit në Istog.

Në gjysmëfinalen e parë takohen Prishtina e Kastrioti. Kjo ndeshje është prej orës 15:00. Prishtina ka luajtur edhe në finale të ‘play-offit’ dhe llogaritet favorite ndaj skuadrës ferizajase.

Por, Kastrioti natyrisht do të jap më të mirën në kërkim të suksesit.

Prej orës 17:00 është gjysmëfinalja e dytë. Takohen Trepça e Besa Famgas. Skuadra pejane Besa Famgas ka fituar titullin e kamionit dhe synon edhe Kupën e Kosovës.

Besa ka fituar të gjitha ndeshjet këtë edicion dhe është favorite e madhe ndaj mitrovicasve.

Trepça ishte ndalur në gjysmëfinale të ‘play-offit’ në Superligë dhe angazhimi nuk pritet të mungoj në tentim për paraqitje të suksesshme.