Frank Shermitraku thotë se punon që t’i bëjë klientët e tij të ndjehen rehat kur vizitojnë berberhanen e tij “Frank’s Barber Shop” në Elmwood Park, Illinois.
“Kur janë këtu, s’u intereson se çfarë ndodhë në zonë apo në qytet”, thotë ai. “Pas prerjes së flokëve, klientët thonë se ndjehen mirë dhe ndjehen më të rinj”.
Berberhania, e cila gjendet në Bulevardin West Grand, po feston 90 vjetorin e hapjes këtë vit.
Shermitraku e ka në pronësi lokalin që nga gushti i vitit 2006.
Ai thotë se dyqani është hapur më 1926 dhe për pronar ka pasur Bill Docimon.
Berberhania i ishte dorëzuar Tony Docimos, ndërsa më pas, nga viti 1980 e deri më 2006, ka qenë nën pronësi të Saro Cacamos.
Shermitraku është rritur në Korçë të Shqipërisë, nën sistemin komunist. Ai thotë se ushqimi ka qenë i ndarë në racione për çdo familje.
“Familja ime i falënderohet Shteteve të Bashkuara më shumë se shumica sepse kemi kaluar nëpër më të keqen”, ka thënë Shermitraku për “Pioneer Press”.
Shermitraku ka shkuar në SHBA me bashkëshorten dhe fëmijët më 1994. Pasi mësuan gjuhën angleze, ai dhe bashkëshortja e tij deshën të bëheshin kozmetologë, kështu që u regjistruan në Shkollën Rosel të Kozmetologjisë në Chicago.
Shermitraku thotë të ketë mësuar nga berberët Julio Parduci, Frank Lucchese dhe Jon Polizzi.
Duke u ndjerë i sigurt në këtë fushë, Shermitraku kishte dëgjuar se Cacamo ishte gati që të pensionohej.
Ai shfaqi interesim që ta merrte drejtimin e biznesit, transmeton Koha.net.
Lokali u shërben burrave, grave dhe fëmijëve, por thotë se shumica e klientëve janë burra. Shërbimet e berberhanes përfshijnë rrojën dhe prerjen e flokëve, rregullimin e flokëve në stile të ndryshme. Një prej klientëve të tij, Nick Sposato, thotë se nga Frank’s del “me stil të mirë të flokëve”.
“Meqë jam shumë i zënë, mund të hyjë dhe të dal nga berberhania për 15 minuta”, ka thënë Sposato.
“Ai është berber shumë i mirë, dhe është njeri i mirë”.
Shermitraku thotë se çelësi për suksesin e tij është se kujdeset që klienti të ndjehet rehat, si në shtëpinë e tij/saj, derisa ua pret flokët.
Ai thotë se sigurohet që t’i pyes klientët se si po kalojnë dhe t’i pyes ata për familjet e tyre, për punën dhe për jetën private.
Shermitraku thotë i konsideron, jo vetëm klientët si familje, por edhe berberët tjerë që punojnë për të.
“Duhet të jesh i besueshëm”, thotë ai.
Meqë shumë njerëz nga profesione të ndryshme i shkurtojnë flokët në “Frank’s”, Shermitraku thotë se berberhania është bërë si vend rrjetëzimi.
“Kemi avokatë, mjekë, psikologë dhe disa profesione tjera”, thotë Shermitraku.
Promo
Reklamo këtuLufta Prigozhin - Putin
Më shumëStjuardesa mbeti e shtangur kur pa se çfarë fshihej në bagazhin e brendshëm të aeroplanit
Askush nuk mund t'i rezistojë videos gazmore të tre britanikëve të dehur
Çfarë do të thotë të shohësh në ëndërr njerëz që kanë vdekur?
Prindërit në gjumë, fëmija gati sa nuk mbytet! (Video)
Qeni pati shansin të zgjedhë një lodër për herë të parë në jetë- shikoni se çka zgjodhi kafsha shtëpiake
Kompania që ofron shërbime me pastruese të zhveshura, nuk pranon më punonjëse të holla - klientët pëlqejnë gra në moshë dhe me figurë të plotë (Foto)
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare