LAJMI I FUNDIT:

Belgjikë, alarm për pako të dyshimtë në aeroportin Anvers

Belgjikë, alarm për pako të dyshimtë në aeroportin Anvers

Evakuohet pjesërisht aeroporti Anvers-Deurne në Belgjikë për shkak të një pakoje të dyshimtë.

Shtypi belg ka njoftuar se policia ka konstatuar një pako të dyshimtë në pjesën e ngarkesave të aeroportit Anvers-Deurne, dhe se është kryer evakuim i pjesshëm me dyshimin për lëndë shpërthyese.

Në kuadër të masave të sigurisë në rajon janë dërguar njësitë e asgjësimit të lëndëve shpërthyese, raporton Anadolu Agency.

Ndër të tjera është njoftuar se një person i dyshuar është ndaluar nga policia.  Rikujtohet se aeroporti Zaventem dhe stacioni i metrosë Maelbeek në Bruksel kanë qenë nën objektivin e sulmeve terroriste më 22 mars, ku si pasojë humbën jetën 32 persona dhe u plagosën 270 të tjerë dhe se sulmet në fjalë ishin marrë përsipër nga organizata terroriste DEASH.

Ushtarët belgë gjatë gjithë ditës ende ruajnë në mënyrë të armatosur aeroportet, stacionet e metrove, institucionet e BE-së si dhe shumë pika dhe bulevarde kryesore.