Një koncesioner është tërhequr vetë, ndërsa të tjerëve në një afat sa më të shkurtër do tu merren koncesionet për gërmime të burimeve mineral nga malet e Jabllanics në afërsi të fshatit Labunisht të Strugës, njoftoi sot ministri i Ekonomisë, Kreshnik Bekteshi.

Gjatë takimi të sotëm me banorë e fshatit dhe përfaqësuesit e shoqatës ekologjike “Natyra Lab”, ministri tha se më e rëndësishme është shëndeti i qytetarëve.

“Nuk është në rregull që në një vend me 10.000 banorë të ketë gjashtë koncesione. Fillimisht kjo nuk është edhe në kuadër të parimeve mjedisore, por në të njëjtën kohë përmirëson jetën e të gjithë qytetarëve. Jeta e qytetarëve nuk mund të përmirësohet nëse rrënojmë të gjitha thesaret në këtë vend. Në të njëjtën kohë shkatërroni rrugët, bëni pluhur dhe të ngjashme. Po krijohen vende pune, dikush mund të humbasë një vend pune, por nuk ka kompromis me shëndetin e qytetarëve”, tha Bekteshi në Labunisht.

Ministria e Ekonomisë dhe Qeveria si përgjegjëse për dhënien e koncesioneve, tha ai, mund edhe t’ua marrë koncesionet./Telegrafi/