Bëhet virale videoja e fansit që bërtiste dhe ia këndonte paraprakisht vargjet e këngës, Dafina Zeqiri e ri-publikon videon satirike

Këngëtarja e njohur shqiptare, Dafina Zeqiri, është duke vazhduar të mbajë koncerte anë e mbanë trevave shqiptare.

Teksa iu është rikthyer grumbullit të fansave pas dy vitesh mungesë, këngëtarja jo pak herë po rastis edhe në momente interesante me ta gjatë performancave të saj.

I tillë ka qenë rasti i fundit në një nga koncertet e saj në Prishtinë, ku një fans i këngëtares ka realizuar një video, teksa interpretonte këngën e saj “Duro” kur ajo gjendej në skenë.

Fansi i flaktë nga audienca i këndonte paraprakisht vargjet e këngës dhe i zgjaste zanoret, duke marrë kështu vëmendjen e personave të pranishëm në koncert.

Videoja në fjalë është bërë virale në rrjetin social TikTok dhe mesa duket nuk shpëtoi pa i rënë në sy edhe vet Dafinës.

View this post on Instagram

A post shared by DAFINA ZE🕯 (@dafina.zeqiri)

Ka qenë vet këngëtarja Zeqiri ajo e cila me të parë videon, vendosi që të ndajë atë me ndjekësit e saj në rrjetin social Instagram, duke shkruar në mbishkrimin e saj: “Unë po të isha në audiencë”.

Kjo video është shpërndarë dhe komentuar me të madhe, duke shkaktuar të qeshura për mënyrën se si fansa ekzaltohej para interpretimit të këngëtares.

Dafina përndryshe këtë verë ka sjell dy projekte muzikore shumë të suksesshme, “Jaba” dhe “Pa ty (remiks)” në bashkëpunim me Cricket dhe Endrit Mumajesin. /Telegrafi/