Bebe Rexha me mesazh për dizajnerët që refuzuan ta vishnin për Grammy Awards

Bebe Rexha është shfaqur mahnitëse në edicionin e sivjetmë të Grammy Awards, e veshur me një fustan të kuq duke sjellë frymën e Valentinit dhe ky ishte një reagimi ndaj dizajnerëve që refuzuan ta veshin atë për këtë ceremoni.

Këngëtarja shqiptare, e cila ishte e nominuar në dy kategori (për artisten e re më të mirë dhe performancën më të mirë ‘country’), veshjen e saj e kishte kombinuar edhe me stoli diamanti.

“Ndihem si një princeshë. Doja të zgjedhja këtë frymë”, i ka thënë ajo nikoqirit të E! News, Ryan Seacrest.

Lexo po ashtu Lajmet për Bebe Rexha

Në muajt e fundit, 29-vjeçarja kishte kërkuar nga shumë dizajnerë që ta vishnin për ceremoninë e Grammyt, mirëpo ata kishin refuzuar.

"I feel like a princess, I wanted to go for that vibe" – @BebeRexha 👸🏼 #GRAMMYs pic.twitter.com/RzautHcWlE

— iHeartRadio (@iHeartRadio) February 10, 2019

“E angazhova ekipin tim që të bisedonte me shumë dizajnerë dhe shumica prej tyre nuk deshën të më vishnin, sepse jam shumë e madhe”, kishte thënë ajo në një video-mesazh në Instagram më 21 janar, ku edhe i shante dizajnerët duke u thënë se nuk i donte fustanet e tyre.

Pas kësaj videoje, shumë dizajnerë të tjerë – në mesin e të cilëve edhe August Getty, Tanya Taylor e Christian Siriano – u shprehën të gatshëm që ta vishnin këngëtaren.

Të dielën mbrëma, Bebe i tha Seacrestit se e kishte publikuar atë video, sepse ishte ndier zemërthyer për refuzimin që i ishte bërë.

“Ata thoshin se isha shumë e madhe ose e trashe. E dua trupin tim dhe dua që femrat tjera ta pëlqejnë trupin e tyre”, është shprehur ylli me origjinë nga Dibra.

Duke folur për Access Online, Rexha ka pasur një mesazh akoma më specifik për dizajnerët që e kanë refuzuar: “Do të dëshironit ta kishit veshur prapanicën time të trashë!”. /Telegrafi/

MIC. DROP. @BebeRexha had a message to send to the designers that refused to dress her for the #Grammys 🎙💥 pic.twitter.com/K6XQjaS113

— Access (@accessonline) February 11, 2019