Bashkimi Demokratik për Integrim para se të filloj fushata parazgjedhore ka publikuar edhe pesë shtyllat për të cilat do të angazhohet në qeverisjen e ardhshme në Maqedoni, nëse e fitojnë besimin nga votuesit.

Këto pesë shtylla sipas Ali Ahmetit janë:
1. Barazi Ekonomike
2. Vendimmarje konsensuale
3. Shqipja zyrtare në tërë teritorin
4. Sundimi i shtetit ligjor
5. Anëtarësimi në NATO!

Këto janë pesë shtyllat që i premton BDI-ja (Video) Këto janë pesë shtyllat që i premton BDI-ja (Video)

Këto ditë, BDI nëpër televizione dhe mediume tjera ka publikuar video ku në mes tjerash thuhet se nëpër institucione gjuha shqipe është zyrtare dhe lirisht mund të kryhen punë edhe në gjuhën shqipe, shkruan Telegrafi Maqedoni.

Kjo, vërehet edhe nga videot e publikuara nga BDI për fushatën parazgjedhore.

Më herët, për Telegrafi Maqedoni analistët thanë se nuk ka asgjë të re nga BDI-ja për këtë fushatë.

Analistët: Asgjë e re nga fronti i BDI-së Analistët: Asgjë e re nga fronti i BDI-së

Ramadan Ramadani i përmendi dy hendikepe që e tangojnë BDI-në këtë fushatë. Njëra nga hendikepet e BDI-së sipas Ramadan Ramadanit është humbja e kryetarit të Gjykatës Kushtetuese dhe si hendikep i dytë është se, sipas Ramadanit, BDI-ja për platformën u dëgjua edhe në bombat e opozitës.

Sipas analistit Sefer Tahiri, platforma e BDI-së nuk sjell asnjë risi politike por është një kopjim i platformave nga zgjedhjet e kaluara.

Nga ana tjetër, kandidati tjetër për deputet nga radhët e BDI-së, Talat Xhaferi në emisionin ”200” në Alsat-M tha se gjuha shqipe në Maqedoni është e realizueshme vetëm ‘De jure’ por mungon zbatimi ‘De facto’./Telegrafi/