Bashkimi kombëtar si aspiratë dhe realitet
Veçoria jonë kombëtare mendoj se është një arsye e rëndësishme, por kurrsesi jo e vetme për ruajtjen, fuqizimin e manifestimin botërisht të ndjenjës kombëtare të shqiptarëve. Dihet që për gati një shekull, shqiptarët, shtetas të ish-Federatës së Jugosllavisë, nuk u ndjenë kurrë të barabartë, sepse në vazhdimësi, si nga Beogradi mbretëror ashtu edhe nga ai komunist, u diskriminuan dhe u trajtuan teorikisht dhe realisht si qytetarë të rangut të dytë. Dallimi i dukshëm kombëtar nga sllavët, me të cilët nuk kishim një gjuhë, një kulturë, një fe dhe praktika tradicionale zakonore, i përballur dhe me dhunën shtetërore, shkaktoi te të gjithë shqiptarët efektin e kundërt.
Shqiptarët në Kosovë e fuqizuan ndjenjën kombëtare dhe aspiratën shekullore për bashkim kombëtar në kuadër të një shteti. Bashkimi kombëtar ka qenë frymëzim dhe objektiv i gjithë veprimtarisë time, por edhe i tërë bashkëmoshatarëve të mi, të cilësuar nga Beogradi “irredentistë” dhe “nacionalistë”. Kam besuar dhe vazhdoj të besoj se bashkimi kombëtar vazhdon të mbetet jo vetëm aspiratë dhe objektiv i ish-luftëtarëve të UÇK-së, por i mbarë shqiptarëve që jetojnë në vazhdimësi territoriale edhe pas ndarjeve të kufijve politike mes shteteve të Ballkanit Perëndimor.
Bashkimi Kombëtar ka qenë, është dhe do të mbetet aspiratë e çdo shqiptari që i thotë vetes shqiptar. Por, realizimin i një aspirate kaq madhore, që frymëzohet e merr forcë nga mbarë një popull i ndarë, kurrsesi nuk duhet të ndikohet nga emocionet dhe, ca më pak, nga interesat politike të momentit. Mendoj se festimet madhështore e mbresëlënëse të 100-vjetorit të pavarësisë së Shqipërisë i shërbyen, para dhe pas 28 Nëntorit, fuqizimit emocional të idesë së bashkimit kombëtar. Dhe, ndikuan fuqishëm, sepse: së pari, 100-vjetori i pavarësisë, natyrshëm, sensibilizoi dhe aktivizoi mbarë shqiptarët për të shfaqur identitetin e përbashkët kombëtar dhe për të manifestuar përkatësinë individuale ndaj tij; së dyti, mbarë shqiptarët, me ndjesinë e të qenurit shqiptar, patën mundësinë dhe rastin për t’u shfaqur dhe për t’u ndjerë krenar e të barabartë për identitetin kombëtar mes bashkësisë së kombeve të botës.
Por, mitingu i Vlorës, i 27-nëntorit, me pjesëmarrjen mbresëlënëse të shqiptarëve nga trojet tona etnike në Ballkan e më gjerë, krijoi në politikë, më tepër se në opinionin publik, një imazh të pasaktë për “forcën” e kombit, që do të bashkojë shqiptarët. Deklarimet e ekzekutivit të Shqipërisë edhe pse përziejnë dëshirën (ndjenjën) me realizimin, krijojnë pështjellim. Ato pëlqehen nga unë, nga shokët e mi të luftës e të politikës në pushtet; pëlqehen jo vetëm nga Vetëvendosja, por edhe nga gjithë partitë shqiptare në Kosovë, Shqipëri dhe në mbarë trevat etnike shqiptare në Ballkan.
Bashkimi kombëtar i mbarë shqiptarëve, që jetojnë në trojet e tyre etnike, ka qenë, është dhe do të mbetet një aspiratë e ligjshme dhe e pritshme për t’u realizuar kur gjithë Ballkani të bëhet pjesë e BE-së. Realiteti aktual politik, ekonomik dhe gjeopolitik nuk e favorizon, për të mos thënë që është hapur kundër me idenë e “bashkimit kombëtar”. Ismail Kadare, shkrimtari që na ka dhënë shumë emër shqiptarëve në Botë, kur u ndodh në një mëngjes pune me presidentin e Francës, Zh. Shirak, përballë pyetjes së bashkimit të Shqipërisë me Kosovën, iu përgjigj se nuk do të ndodhte pa u krijuar kushtet (evropiane dhe ballkanase).
Edhe ambasadori i SHBA-së në Tiranë, Arvizu, kur u përball me këtë çështje u shpreh: “ Më lejoni të jem i qartë si kristali, absolutisht i qartë: Shtetet e Bashkuara të Amerikës nuk e mbështesin ndryshimin e kufijve kombëtar në rajonin e Ballkanit. Çdo përpjekje për ta bërë këtë, është kundërproduktive dhe destabilizuese”.
Mendoj se dy referencat e fundit e mbyllin këtë shkrim që është dhe do të mbetet për problematikën i diskutueshëm. Por, jo vetëm besoj, por edhe jam i bindur, që aspiratë e mbështetur dhe e udhëhequr nga arsyeja është pashmangësisht e realizueshme.
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Osmani organizoi pritje për përfaqësues të vendeve partnere të Kosovës pas takimit të Këshillit të Sigurimit të OKB-së
Capello zgjedh katër gjeni të futbollit, nuk e përfshin Ronaldon
Momenti kur Osmani i thotë Vuçiqit "Shihi në sy dhe kërkoju falje katër viktimave të krimeve serbe"
Fiton 300 mijë euro në javë dhe është titullar, ylli i Cityt merr vendimin përfundimtar për t'u larguar në verë
Pamje të Dubait nga hapësira – ja si dukej, para dhe pas përmbytjeve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj