Yulia me video prekëse i jep lamtumirën e fundit bashkëshortit, Alexeit Navalnyt: Do të dua përgjithmonë

Gruaja e Alexei Navanlyt, Yulia ka përkujtuar burrin e saj teksa ai është varrosur në një varrezë në Moskë, dy javë pas vdekjes në një nga burgjet ruse.

Yulia Navalnaya nuk ka qenë e pranishme në funeralin e burrit të saj pasi ndodhet jashtë Rusisë.

Megjithatë, ajo nuk ka harruar ta falënderojë Navalyn për siç i quan ajo “26 vitet e lumturisë absolute”, shkruan skynews, përcjell Telegrafi.

Në një mesazh që shoqërohej me një video në platformën X, ajo shkroi “Për dashurinë që më mbështeti gjithmonë, që më bëre për të qeshur edhe nga burgu, për faktin që ke menduar gjithmonë për mua”.

“Nuk di si të jetoj pa ty, do të përpiqem të të bëj të lumtur dhe krenar për mua. Nuk e di nëse do mund ta përballoj, por do të përpiqem”, shtoi Yulia.

Lexo po ashtu Varroset kritiku i Putinit, Alexei Navalny - mijëra njerëz dolën në rrugë për t'i dhënë lamtumirën e fundit pavarësisht kërcënimeve të Kremlinit

Duke theksuar pengjet që i kanë mbetur, historitë e pathëna, këngët e padëgjuara së bashku me Navalnyn ajo ishte e bindur se “ne do të takohemi patjetër një ditë”.

Gruaja e opozitarit më të madh rus e përmbylli postimin lamtumirës me këto fjalë “dhe me të vërtetë doja të të shikoja t’i dëgjoje ato, të qeshësh me mua, dhe më pas të më përqafoje. Do të të dua përgjithmonë. Pusho në paqe”.

Ndryshe, ish-kreu i opozitës është varrosur në varrezat Borisovskoye të kryeqytetit rus, Moskë. /Telegrafi/

Лёша, спасибо тебе за 26 лет абсолютного счастья. Да, даже за три последних года счастья. За любовь, за то, что всегда поддерживал, за то, что смешил даже из тюрьмы, за то что ты обо мне всегда думал.

Я не знаю, как жить без тебя, но я постараюсь так, чтобы ты там, наверху,… pic.twitter.com/ybF31AuD47

— Yulia Navalnaya (@yulia_navalnaya) March 1, 2024