Barcelona po akuzohet për ryshfet, Guardiola flet për këtë temë dhe zbulon se si i fitonin ndeshjet sa ishte trajneri i tyre

Barcelona është duke kaluar nëpër një periudhë shumë të vështirë, ndoshta më e vështira në historinë e klubit.

Sikur mos të mjaftonte kriza e madhe financiare, katalunasit tani janë duke u akuzuar për ryshfet ndaj gjyqtarëve.

E për këtë temë është pyetur edhe ish-trajneri i Barcelonës, Pep Guardiola aktualisht i pari i shtabit teknik të Manchester Cityt.

Pep ka thënë se është i bindur se nuk ka asgjë, pasi në atë kohë fituan shkaku se ishin shumë të fortë.

“Prisni dhe shikoni…lëreni drejtësinë, procesin të ecë. Deri më tani ajo që kam dëgjuar…nuk kam parë apo lexuar, sepse nuk jam i tillë, por nuk e pashë Barcelonën me të vërtetë duke paguar një gjyqtar për të fituar” tha Pep Guardiola.

“Unë nuk e pashë këtë, nuk e lexova. Prandaj dua të pres para se të kem një mendim sepse Barcelona do të mbrojë atë që duhet të bëjë, dhe ne do të shohim”, vazhdoi tutje Pep Guardiola.

Tutje Pep tha se ata fituan shumë ndeshje për faktin se ishin më të mirë se kundërshtarët dhe jo nga ndihma e gjyqtarëve.

“Ajo që jam shumë i sigurt është se kur Barcelona fitoi, ishte sepse ata ishin më të mirë se kundërshtarët. Për këtë jam shumë i bindur tani”.

“Në kohën tonë, ne fituam sepse ishim shumë më të mirë se rivalët tanë dhe kur ata nuk ishin, ata nuk fituan, ata humbën. Por drejtësia do të vendosë se çfarë ndodhi në të vërtetë”, ka deklaruar Pep Guardiola. /Telegrafi/