Banka Popullore: Inflacioni ulet, rritja ekonomike nën parashikimin
Komisioni për Politikë Monetare Operative i Bankës Popullore në seancën e mbrëmshme vlerësoi se norma e interesit të bonove të thesarit duhet të mbahet në nivelin prej 6,30%, ndërsa normat e interesit për depozitat njëditore dhe shtatëditore në nivelet prej 4,20% dhe 4,25%, kumtoi Banka Popullore.
Në seancën e Komisionit u vlerësua se përcaktimi aktual i politikës monetare është i përshtatshëm me kushtet në ekonomi. E pandryshuar është edhe oferta e bonove të thesarit në ankandin e rregullt dhe është 10 miliardë denarë.
Nga Banka Popullore konstatuan se inflacioni i brendshëm po ngadalësohet dhe në shkurt të vitit 2024 u ul në 3 % në nivel vjetor, me presione të reduktuara ndjeshëm nga çmimet e ushqimit dhe energjisë, por edhe presione më të ulëta çmimesh nga kategoritë më pak të luhatshme, në pajtim edhe me masat e ndërmarra monetare.
Sinjalet e anketave për pritjet inflacioniste të konsumatorëve gjithashtu janë të volitshme, përkatësisht në muajin shkurt tashmë mbizotërojnë pritjet për ulje të çmimeve në periudhën e ardhshme. Norma e inflacionit në shkurt është afër asaj të Eurozonës. Çmimet e prodhimeve primare të bursave vijojnë të përshtaten në rënie, ndërsa njëherit edhe parashikimet për periudhën e ardhshme janë rishikuar në rënie. Realizimet e inflacionit nga fillimi i vitit janë më të ulëta se pritjet, por niveli ende është mbi mesataren historike, ndërsa rreziqet në lidhje me dinamikën e ardhshme të çmimeve ende ekzistojnë”.
“Pra, ende nuk ka transmetim më të theksuar të lëvizjeve në bursë të çmimeve të ushqimeve vendore, si dhe ka pasiguri për shkak të konflikteve aktuale ushtarake, si dhe për shkak të ndërprerjes së masave të përkohshme për disa produkte ushqimore vendore. Prandaj, u vlerësua se nevojitet kujdes i mëtejshëm në sjelljen e politikave, përfshirë politikat që ndikojnë mbi kërkesën në ekonomi. Për sa i përket politikës së Bankës Qendrore Evropiane (BQE), në mbledhjen e fundit të muajit mars është marrë sërish vendimi për mbajtjen e normave bazë të interesit në të njëjtin nivel”.
“Gjendja në tregun valutor është e qëndrueshme dhe lëvizjet janë të favorshme. Niveli i rezervave valutore në fund të muajit shkurt është 4,348.1 milionë euro, i cili është i mjaftueshëm për ruajtjen e stabilitetit të kursit të këmbimit të monedhës vendase. Lëvizjet në tregun valutor janë të favorshme, me një ulje të moderuar të kërkesës neto nga sektori i korporatave dhe një fluks të mëtejshëm të lartë të valutave në tregun valutor. Të dhënat e disponueshme nga sektori i jashtëm për tremujorin e parë të vitit janë ende të kufizuara dhe të pamjaftueshme për një vlerësim më të saktë. Deficiti i realizuar në llogarinë rrjedhëse të bilancit të pagesave në tremujorin e katërt të vitit 2023 është dukshëm më i ulët se sa pritej në përputhje me projeksionin e tetorit, me flukse hyrëse financiare neto të realizuara njëkohësisht”, thonë nga MPB.
Në sektorin monetar, sipas të dhënave fillestare për muajin shkurt 2024, depozitat vijojnë të rriten, pak më i fortë se sa pritej, por po përshpejtohet edhe aktiviteti kreditues i bankave, me rritje vjetore që aktualisht është mbi parashikimet për fundin e kuartalit të parë.
Lufta Prigozhin - Putin
Më shumëNga Rubrika
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin për Ranger në ShBA
Paga mesatare neto në RMV në shkurt të këtij viti ishte 39.276 denarë
Dita kombëtare e të zhdukurve, Osmani: Pas anëtarësimit në KiE, familjarët e të pagjeturve do të mund të padisin Serbinë
Themelorja konfirmon aktakuzën ndaj Agron Mustafës, ngarkohet se i shkaktoi dëm afër 7 milionë euro Telekomit
Kurti optimist, shpjegon se si do ta menaxhojë sfidën për anëtarësimin e Kosovës në Këshill të Evropës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Plagosen dy persona në Ferizaj
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë