“Bahçe Club”, më i pëlqyeri në trevat shqiptare. Alban Skënderaj jep vlerësimin maksimal për publikun në Pejë (Video)

Këngëtari Alban Skënderaj vazhdon të jetë një nga emrat më të pëlqyer të muzikës shqiptare. Ai gjatë verës ka qenë i ftuar vazhdimisht për të kënduar në të gjitha qytetet e Kosovës dhe Shqipërisë.

Nga të gjitha koncertet e mbajtura, ku publiku është gjithmonë i padiskutueshëm, Albani ka një vend të cilin e vlerëson me çmim të parë, për nga organizimi dhe mirëpritja e publikut.

“Bahçe” në Pejë, një club që ofron të gjitha kushtet dhe komoditetin e jashtëzakonshëm për të kaluar një natë sa më të mirë, ka mbledhur publikun më të zjarrtë anë e mbanë Pejës, duke bërë që mbrëmjet të jenë gjithnjë fantastike, e veçanërisht kur interpreton Alban Skënderaj.

Këngëtari ka publikuar një video në rrjetet sociale, ku shfaqet duke kënduar një zëri bashkë me publikun pejan. Në mbishkrimin e fotos ai ka dhënë vlerësimin maksimal duke e vlerësuar publikun e Pejës me vendin e parë për 2016-tën.

“Përfundimisht për verën 2016, Peja fiton Vendin e Parë, në zemrën time si publiku më i zjarrtë”, kanë qenë fjalët e Albanit.

Kujtojmë që “Bahçe” e cila ndodhet në zemër të Pejës mblodhi këtë vit emrat më të njohur për të kënduar, jo vetëm shqiptarë, por edhe të huaj. Këngëtari i njohur Faydee mbajti koncert në muajin korrik, e ndërsa nuk munguan as emra të njohur shqiptarë si: Enca, Capital T, Nora istrefi, Samanta, Çiljeta, Etnon, Soni Malaj etj.

Sezoni veror është gati drejt fundit, e ndërsa “Bahçe” do të vazhdojë të dhurojë mbrëmje të tilla magjike, me risi të reja, duke lënë kështu tek publiku kujtime të paharrueshme./Telegrafi/

Perfundimisht per Veren 2016 Peja fiton Vendin E Pare ne zemren time si publiku me i zjarrte?????❤️? #Bahçe #Peje

A video posted by Alban Skenderaj (@albanskenderaj) on Aug 14, 2016 at 6:09am PDT