Sulmuesi i Përfaqësueses së Kosovës, Donis Avdijaj ka shkëlqyer në ndeshjen e tij të parë si titullar te skuadra holandeze, Willem II.

Avdijaj u transferua para dhjetë ditësh nga Schalke tek Willem II në formulën e huazimit me të drejt blerje.

Megjithatë, skuadra holandeze ka filluar shpejt t’i vjel frytet e sulmuesi të Përfaqësueses së Kosovës.

Donis Avdijaj nënshkruan me skuadrën holandeze, Willem II Donis Avdijaj nënshkruan me skuadrën holandeze, Willem II

Sulmuesi kosovar ka shënuar dy gola të shpejt qysh në ndeshjen e tij të parë si titullar tek kjo skuadër.

Festa e Avdijajt pas golit të dytë (Foto: Football 24/7)

22-vjeçari ka udhëhequr skuadrën e tij drejt një fitore të thellë 5-0 në shtëpi ndaj Heraclesit në kuadër të javës së tretë të Eredivisie.

Goli i parë i Avdijajt ishte shumë i bukur dhe erdhi në minutën e 26-të të ndeshjes pasi asistimit nga Atakan Akkaynak.

Avdijaj shënoi edhe golin e epërsisë 2-0 dhe ky gol erdhi në minutën e 29-të të ndeshjes pas një topi të kthyer nga portieri kundërshtar.

Përveç kësaj, Avdijaj mori edhe një kartonë të verdhë në minutën e 41-të të takimit. /Telegrafi/