Arnold Schwarzenegger ditën e djeshme (e shtunë) ka festuar ditëlindjen e 75-të.

Reklama

Me këtë rast ai bëri një postim në Twitter duke përkujtuar nënën e tij, Aurelia Jadrny, e cila vdiq në vitin 1998.

“Sot nëna ime, Aurelia, do të bëhej 100-vjeçe”, nis postimin ylli i “Terminator”.

“Ajo ishte nëna më e mirë që mund të imagjinoni dhe unë do ta dua gjithmonë. Nuk mund ta shpjegoj se sa shumë do të thoshte për mua, por ajo është arsyeja numër një që nuk mund të them se i kam arritur të gjitha vet”, thotë ai.

“Sigurohuni që t’u tregoni nënave tuaja se sa shumë kanë rëndësi për ju”, shton më tej aktori.

Të gjitha lajmet nga Arnold Schwarzenegger Të gjitha lajmet nga Arnold Schwarzenegger
Reklama

Aurelia vdiq teksa vizitonte bashkëshortin e saj të ndjerë, Gustav, në vendin e saj të lindjes në Austri në vitin 1998.

Reklama

Foto: Andreas Rentz

Në varrin e tij, Aurelia pësoi një atak në zemër dhe u rrëzua. Ajo u dërgua në një spital aty pranë, por në fund ndërroi jetë.

Ndërsa ish-guvernatori i Kalifornisë nderoi të ëmën, vajza e tij Katherine nderon ditëlindjen e tij historike.

Katherine, 32-vjeçare, ka shpërndarë disa imazhe nga fëmijëria në Instagram ku shfaqet së bashku me të atin.

E njëjta tha: “Gëzuar ditëlindjen babi. Të duam shumë. Jemi me fat që të kemi në jetën tonë”. /Telegrafi/