Armando Broja po kalonte një moment të shkëlqyer me Vitessen në Holandë deri para ndeshjeve të kombëtareve.
Sulmuesi shqiptar ka shkëlqyer me gola dhe asistime, duke bërë që skuadra e tij të rivalizonte Ajaxin në krye të tabelës në Eredivise.
Pas një lëndimi që nuk e lejoi të luante për Kombëtaren, sulmuesi i talentuar u rikthye përsëri te Vitesse, aty ku ishte titullar në ndeshjen e djeshme ndaj Groningen.
Ndryshe nga herët e tjera, ajo e djeshmja nuk ishte dita e Brojës, me sulmuesin e Shqipërisë.
Talenti i Chelseat që është i huazuar tek skuadra holandeze Vitesse është bërë viral në rrjetet sociale me një rast të artë që ka humbur ndaj Groningenit.
Broja kaloi bukur portierin kundërshtar në minutën e 63-të, por goditja e tij shkoi lart mbi portë edhe pse porta ishte e gjitha e zbrazët.
Broja e kishte e të pamundur t’iu besonte syve për rastin që humbi. Kaq mjaftoi që në internet të fillojë të qarkullojë me shpejtësi video e rastit të humbur, ku nuk kanë munguar as talljet nga rivalët.
Gjithsesi kjo ndeshje përfundoi pa fitues me rezultatin e barabartë 1-1. /Telegrafi/
