Ambasadori gjerman: Jemi për një shtet demokratik e të pa korruptuar, jo për një shtet për disa persona

Ambasadori gjerman Christian Heldt, me rastin e 21 vjetorit të çlirimit të Kosovës ka thënë se janë për shtet demokratik, multietnik e të pa korruptuar.

Heldt përmes një postimi në Twitter, ka shkruar se i është mirënjohës NATOS-s dhe 50 mijë ushtarëve gjermanëtë që kanë shërbyer në atë kohë për çlirimin e Kosovës.

“Në këtë ditë 21 vjet më parë, NATO i dha fund një konflikti të tmerrshëm. Mirënjohës mbi 50 mijë ushtarëve gjermanë të cilët shërbyen në atë kohë. Përulem para të gjithë viktimave. Ata na kujtojnë se çfarë është përmbushur që nga ajo kohë, por gjithashtu obligimet që duhet të përmbushen.

Ne qëndruam dhe qëndrojmë për një shtet demokratik, multietnik, pavarësim të gjyqësorit, shërbimet publike të pa korruptuara për të gjithë qytetarët, ekonomi të lirë, politikë që i shërben vendit dhe njerëzve, media kritike të pavarura, liritë elementare, dhe jo një shtet si dhuratë për disa persona”, ka shkruar Heldt. /Telegrafi/

On this day 21 years ago, @NATO_KFOR ended a terrible conflict. Grateful to over 50.000 @bundeswehrInfo soldiers who served here since. I bow to – all- victims. They remind us of what was accomplished since, but also of the obligations to be fulfilled. 1/2 pic.twitter.com/07zMOhpsVW

— Ambassador Christian Heldt (@GermanAmbKOS) June 12, 2020