LAJMI I FUNDIT:

Ambasada e Amerikës nuk komenton zhvillimet politike: Po punojmë me institucionet e Kosovës për ta tejkaluar pandeminë e COVID-19

Ambasada e Amerikës nuk komenton zhvillimet politike: Po punojmë me institucionet e Kosovës për ta tejkaluar pandeminë e COVID-19

Zhvillimet e fundit politike në vend kanë nxitur kritika në kohën kur Kosova ashtu si edhe vendet e tjera po luftojnë pandeminë e coronavirusit.

Dalja e LDK-së nga koalicioni me LVV-në dhe vendimi që të inicioj mocion mosbesimi ndaj Qeverisë në këtë periudhë është duke u kundërshtuar nga mekanizmat ndërkombëtar në vend e madje edhe vetë qytetarët.

Kryetari i Lidhjes Demokratike të Kosovës, Isa Mustafa, sot kërkoi nga kryeministri i Kosovës, Albin Kurti, që ta heqë tarifën ndaj produkteve me origjinë nga Serbia dhe ta anulojë vendimin për shkarkimin e ministrit Agim Veliu.

Mustafa, Kurtit: Hiqe taksën, kthe Veliun, kërkoj falje LDK-së e vazhdojmë koalicionin
Lexo po ashtu Mustafa, Kurtit: Hiqe taksën, kthe Veliun, kërkoj falje LDK-së e vazhdojmë koalicionin

“Edhe sot përulem para popullit tim dhe kërkoj mirëkuptim nga partia ime. Pres edhe sot që zoti Kurti ta heqë tarifën, ta anulojë vendimin për shkarkimin e z. Veliu. Atij dhe LDK-së t’i kërkojë falje për veprimet e tij dhe të atyre me të cilët ka bashkëpunuar në këtë akt të ulët. Të na japë mundësinë të jemi bashkë në këtë betejë”, tha Mustafa në një postim në Facebook.

E për këtë situatë politike, Ambasada amerikane në Kosovë në një përgjigje për Telegrafin nuk ka dhënë asnjë koment duke thënë se vazhdojnë të bashkëpunojnë me institucionet e vendit për luftimin e coronavirusit.

“Ambasada nuk ka asnjë koment në këtë kohë për situatën politike. Ne vazhdojmë të bashkëpunojmë me institucionet e Kosovës për të tejkaluar sfidën e virusit COVID-19”, thuhet në përgjigjen e ambasadës.

Ndryshe nga ambasada amerikane, shefja e Zyrës së Bashkimit Evropian në Kosovë, Nataliya Apostolova ka kërkuar që në këtë periudhë të ketë unitet dhe konsensus politik për të tejklauar krizën e coronavirusit.

Edhe ambasadori i Britanisë së Madhe, Nicholas Abbott pas takimit që ka zhvilluar dje me kryeministrin Albin Kurti, ka thënë se në këtë situatë të emergjencës së shëndetit publik është esenciale që veprimet politike të institucioneve shtetërore të qeverisen sipas Kushtetutës së Kosovës.

Kujtojmë se e gjithë kjo situatë politike ndodhi pasi që kryeministri Albin Kurti, shkarkoi ministrin e Brendshëm, Agim Veliu, duke thënë se ai nuk i ka mbështetur qëndrimet e qeverisë për gjendjen e jashtëzakonshme rreth coronavirusit dhe se ka përhapur panik në lidhje me këtë sëmundje. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori