Performanca e Alicia Keys në New York ishte e gjitha për familjen e saj.

Fituesja e “Grammy”, 40 vjeç, performoi në Teatrin Apollo në Harlem të enjten mbrëma si pjesë e serialit “SiriusXM and Pandora’s Small Stage”.

Për koncertin në qytetin e lindjes, Keys performoi këngë të reja dhe të vjetra, duke marr djalin e saj më të vogël gjatë një momenti në skenë.

Foto: Hanna Flanagan

“Djali im dëshiron të dalë në skenë – a është në rregull?”, pyeti fillimisht këngëtarja publikun.

Më pas gjashtëvjeçari doli me maskën e tij, u ul pranë pianos dhe përshëndeti turmën. Artistja më pas këndoi “If I Ain’t Got You”, të cilën ia kushtoi djalit tjetër të saj.

“Kjo është për të. Kjo është për ty”, tha këngëtarja duke iu drejtuar djalit tjetër 11-vjeçar që ndodhej në audiencë, shkruan People.

Pas këngës, çifti nënë-bir shkuan përpara skenës të kapur për dore dhe të dy përshëndetën turmën që brohoriste.

Foto: Hanna Flanagan

Muajin e kaluar, Keys tha për People se si e shikonte periudhën e djalit të saj të madh, teksa rritej dhe të fillojë të performojë. Në një moment të ëmbël që u transmetua në dokumentarët e saj në  YouTube Originals, “Alicia Keys The Untold Story”, ajo dhe Egjipti shikojnë një klip nga iHeartRadio Music Awards 2019, gjatë të cilit Egjipti shoqëroi Keys në piano teksa ajo këndonte “Raise a Man”.

“Unë nuk jam tip që qaj, nuk jam me të vërtetë, por bëhesh kaq e ndjeshme vetëm duke menduar se si vazhdon jeta, duke e parë atë pranë meje dhe duke kujtuar atë moment. Ai moment ishte hera e parë që ai performoi me mua në skenë dhe mbaj mend që isha plotësisht e përqafuar me të”, kishte deklaruar Keys.

Kujtojmë që artistja është e martuar me reperin dhe producentin Swizz Beatz që nga viti 2010, dyshja janë prindër të dy fëmijëve. /Telegrafi/

Foto: Getty Images