Alessandra Ambrosio, supermodelja 43-vjeçare, ka shpërndarë disa imazhe të reja në rrjetet sociale ku shfaqet në bikini të kuqe, ndërsa shijon natyrën në xhunglën e Brazilit.
Ajo kishte veshur një bikini dy pjesësh nga koleksioni i saj i rrobave të banjës, “GAL Floripa”.
Kostumi ishte i thjeshtë dhe elegant, me një pjesë të sipërme trekëndore dhe detaje me nyje anash, shkruan DailyMail.
Alessandra përshkruan këtë stil si "natyra hyjnore", duke shtuar se ky bikini është një zgjedhje klasike dhe e sofistikuar.
Ambrosio është një nga themelueset e markës “GAL Floripa”, një linjë rrobash banje që e krijoi me motrën dhe shoqen e saj më të mirë.
Ajo tha se gjithmonë kishte pasur ëndrrën për të hapur një markë rrobash banje, pasi u rrit pranë plazhit në Brazil dhe gjithmonë kishte veshur bikini.
Ky moment vjen pas pjesëmarrjes së saj në sfilatën e “Victoria's Secret” në New York në tetor, ku morën pjesë edhe yje si Gigi dhe Bella Hadid, Candice Swanepoel dhe Tyra Banks. /Telegrafi/
