Aktorja e njohur amerikane, Mira Sorvino, është njëra nga personalitetet e njohura që kanë mbështetur nismën ligjore për mbrojtjen më të mirë të viktimave të dhunës, sulmeve seksuale dhe keqpërdorimeve.

51-vjeçarja edhe më herët ka folur lidhur me këtë temë, në një periudhë kur aktore të shumta akuzuan për keqtrajtim seksual producentin Harvey Weinstein.

Ndërsa herën e dytë ka folur kur bëri të ditur se si 16-vjeçare në një audicion për një rol filmik, e kishte shqetësuar përzgjedhësi i aktorëve, transmeton KP.

Të gjitha lajmet nga Mira Sorvino Të gjitha lajmet nga Mira Sorvino

Por, kësaj radhe, aktorja ka shkuar një hap më tutje. Në konferencë për media të guvernatorit të New Yorkut, Andrew Cuom, në të cilën morën pjesë edhe aktivistët e lëvizjes “Time’s Up”, ajo rrëfeu se kishte pësuar edhe dhunim të shkallës së dytë, që në sistemin e gjyqësorit të këtij shteti federal ka të bëjë me aktin me të cilin një person i rritur ka marrëdhënie seksuale me një të mitur nën moshën 15-vjeçare.

Se si ka ndikuar kjo përvojë traumatike më vonë për të, më së miri dëshmon fakti se aktorja gjatë fjalimit i erdhi të qajë.