Aktorja Brooke Shields denoncon ngacmimet seksuale që pësoi si fëmijë

Janë të shumtë aktorët dhe aktoret që kanë kaluar nëpër botën e Hollywoodit, por rrallë ndonjë prej tyre ka denoncuar çdo lloj ngacmimi të pësuar gjatë karrierës së tyre.

Vetëm në shpërthimin e çështjes së Harvey Weinstein dhe lëvizjes #MeToo filluan të shfaqen të gjitha këto lloj zbulimesh.

Një nga të fundit që ka folur ka qenë Brooke Shields, e cila ishte në qendër të vëmendjes në vitet ’70 dhe ’80.

Në dokumentarin e saj, “Pretty Baby: Brooke Shields”, nga ABC News Studios, ajo diskuton karrierën dhe ngacmimet që pësoi si fëmijë.

Lexo po ashtu Të gjitha lajmet nga Brooke Shields

Ajo flet konkretisht për filmin “Pretty Baby”, kur ishte vetëm 12 vjeçe.

“Unë jam një aktore. Unë luaja role. Prapaskenat ishin problemi i vërtetë, por me gjithë këto intervista, ishte aq interesante sa njerëzit ishin shumë më të fiksuar pas temës së filmit, “How can I play a prostitute” se sa trajtimi i mediave apo i regjisorit ndaj një vajze”, tha ajo.

“Ishte një epokë shumë e dominuar nga meshkujt. Ishte një epokë shumë ndryshe për mua, dhe kishte shumë gjëra që u pranuan që nuk do të pranoheshin sot”, vazhdoi të shpjegoi ajo.

Më tej ajo shtoi se nuk lejohej të rritej artistikisht: “Problemi im më i madh në atë kohë ishte se nuk më lejuan të rritesha, të vazhdoja me talentin që kisha. Nuk kisha nevojë. Isha e bukur, u shfaqa, kisha një etikë të mirë pune. Unë bëra atë që ata kishin nevojë për të bërë”.

“Është e vështirë ta shprehësh me fjalë, mendoj se nuk mund të rritem dhe të mësoja ishte gjëja që më shqetësonte më shumë sepse isha e aftë për më shumë”, theksoi mes tjerash ylli i famshëm. /Telegrafi/