Aksident ndërmjet disa automjeteve në një tunel në Belgjikë, një i vdekur dhe dhjetëra të lënduar – pamje nga vendi i ngjarjes

Një person ka vdekur dhe dhjetëra të tjerë janë lënduar pas një aksidenti të madh në rrugën unazore të Antwerp, duke përfshirë të paktën katër automjete, përfshirë dy autobusë dhe një kamion.

Policia federale ka konfirmuar deri më tani një të vdekur dhe të paktën pesë lëndime të rënda si pasojë e aksidentit, i cili ndodhi në tunelin Beveren, në veriperëndim të Antwerp në Belgjikë, përcjell Telegrafi.

Policia tha se të paktën 44 persona të tjerë pësuan lëndime më pak të rënda në aksidentin, i cili ndodhi pasi një kamion u rrëzua në një bllokim trafiku brenda tunelit, duke shkaktuar një përplasje të reaksionit zinxhir me dy autobusë dhe një automjet pasagjeri.

Kamioni u përplasë në një automjet pasagjerësh, duke vrarë shoferin në vend, raporton De Standaard.

Qendra e Trafikut paralajmëroi drejtuesit që të shmangnin zonën dhe të ndiqnin rrugë alternative, duke thënë se shërbimet e urgjencës ishin të pranishme masivisht në vendin e aksidentit.

Të lënduarit janë dërguar në spital për trajtim, dhe 65 të tjerë të prekur nga aksidenti po evakuohen nga vendi i ngjarjes.

Si pasojë e aksidentit, tuneli është mbyllur plotësisht për trafik – që vjen nga të dy drejtimet. /Telegrafi/