Ekipi i BBC-së detyrohet ta ndërpresë intervistën për shkak të granatimeve ruse në Kherson

Një video e publikuar shfaq momentin kur ekipi i BBC News detyrohen të largohen me shpejtësi, kur fillojnë granatimet ruse në rajonin e Khersonit që është mbuluar nga uji pas shkatërrimit të digës.

BBC po intervistonte banorët e kësaj zone, kur filluan granatimet dhe shpërthimet e fuqishme, duke detyruar ekipin të largohen dhe strehohen në zonë më të sigurtë, transmeton Telegrafi.

Kujtojmë që të martën diga Nova Kakhovka u hodh në erë dhe tërë uji i akumuluar u derdh në mbi 80 vendbanime, ku si pasojë u rrit niveli i ujit në mbi 11 metra.

Lexo po ashtu Ukrainasit filmuan me dron një qytet të përmbytur që është nën kontrollin e rusëve, nënë e bir luten t'i shpëtojnë nga çatia e shtëpisë së tyre

Aty uji mori me vete pothuajse gjithçka – madje në disa video shihen shtëpitë duke “lundruar”, kurse presidenti ukrainas Volodymyr Zelensky tha se është një katastrofë.

Ukrainasit po akuzojnë rusët për shpërthimin e digës, kurse Kremlini po mohon se është përfshirë në shkatërrimin e saj.

E prej të martës ekipet e shpëtimit po tentojnë të nxjerrin nga shtëpitë banorët që kanë ngecur brenda.

Lexo po ashtu Ukrainasit publikojnë pamjet, të cilat pretendohet se shfaqin momentin e një shpërthimi në digën Nova Kakhovka

Ajo çfarë po u shkakton më shumë problem është fakti se ky rajon kontrollohet nga rusët.

Sa herë që po tentojnë të ndihmojnë banorët lokalë, janë granatimet ruse që po ua pamundësojnë kryerjen e punës. /Telegrafi/