Mason Mount i vendos Manchester Unitedit kushte për të realizuar transferimin

Manchester United do të duhet të paguajë 85 milionë euro plus shtesa nëse duan të nënshkruajnë me Mason Mount.

Chelsea është i përgatitur ta lërë yllin anglez të përfundojë vitin e fundit të kontratës së tij në vend që ta shesë atë për një çmim nën vlerësimin e tyre aktual.

Ka pasur bisedime mes dy klubeve pasi United ra dakord për kushtet personale me Mount.

Por, Chelsea po synon ta shesë mesfushorin në çmimin e tyre, në mes të interesimit nga Liverpool, Arsenal, Bayern Munich dhe klube të tjera.

Klubi thotë se 85 milionë euro janë të arsyeshme për një lojtar të arritur dhe moshës së tij, pavarësisht situatës së kontratës.

Shumëçka mund të ndryshojë gjatë verës, por, për momentin, Chelsea është duke këmbëngulur për shumën.

Blutë i ofruan lojtarit disa mundësi me rritje të ndjeshme page, mirëpo ai i ka refuzuar të gjitha, pasi kërkon më shumë

Mount thuhet se po kërkon mbi 300 mijë euro në javë, që do ta bënte atë në mesin e lojtarëve më të paguar të Djajve të Kuq.

Do të ishte një rritje prej 15,000 euro në pagat e paguara për Bruno Fernandes, paga e të cilit qëndron në 2850,000 euro në javë.

Ai gjithashtu do të fitonte më shumë se Marcus Rashford dhe Antony, me dyshen që marrin 230,000 euro çdo javë.

Megjithatë, kjo nuk do ta bënte Mount lojtarin më të paguar pasi yje si Casemiro, Raphael Varane dhe Jadon Sancho marrin 380,000 euro në javë.

David De Gea është aktualisht fituesi më i madh, por pasi ra dakord për një kontratë të re, paga e tij javore prej 400,000 euro do të përgjysmohet. /Telegrafi/