Vendimi i UEFA-s, Xhaka dhe Shaqiri do të luajnë në Serbi përballë Bjellorusisë

Granit Xhaka dhe Xherdan Shaqiri janë dy emra që sa herë përmenden në Serbi ngjallin frikë tek ky popull, për faktin se në dy përballje yjet shqiptarë kanë triumfuar dhe tani janë ndër personat më të urryer në nga populli serb.

Dy futbollistët shqiptarë i kanë eliminuar serbët nga dy kampionatet e fundit botërore ‘Rusia 2018’ dhe ‘Katar 2022’, madje Shaqiri në dy ndeshjet ka shënuar derisa Xhaka vetëm katër vite më parë.

Dyshja shqiptare do të luajnë në Serbi ndeshjet e parë në vitin 2023 me Zvicrën, edhe pse kundërshtari do të jetë tjetër e jo serbët.

Zvicra nis kampanjën kualifikuese për Euro 2024 në sfidën ndaj Bjellorusisë dhe kjo Kombëtare nuk do t’i zhvilloj ndeshjet si vendas për faktin se në kryeqytetin bjellorus Minsk situata është e paqëndrueshme mes luftës Rusi-Ukrainë.

Bjellorusia do t’i zhvilloj të gjitha ndeshjet jashtë shtëpisë të saj, derisa ndeshja e parë e tyre do të zhvillohet në Novi Sad të Serbisë.

Përveç Shaqirit dhe Xhakës, në Serbi pritet të zbarkojnë edhe lojtarë të tjerë si Ardon Jashari ose edhe Andi Zeqiri që herë pas here ftohet nga Murat Yakin.

Kujtojmë që Zvicra dhe Bjellorusia ndodhen në Grupin I aty ku është edhe Kosova, Rumania, Izraeli dhe Andorra. /Telegrafi/