Vajza 18-vjeçare e Heidi Klum, Leni, merr vëmendje në një xhirim mahnitës për markën italiane të këpucëve Superga

Vajza e Heidi Klum, Leni, dukej e pabesueshme në fotosesionin e saj të fundit për markën italiane të këpucëve Superga.

Modelja e re, tregoi bukurinë e saj teksa pozoi gjatë xhirimeve të qeta në Observatorin Griffith në Los Angeles.

18-vjeçarja u ul në bar e veshur me një këmishë me vija të gjelbra dhe të bardha, ndërsa vështronte kamerën.

Një foto tjetër tregoi yllin e pistës të ulur në një stol me një këmishë të stilit të ngjashëm.

Me një pamje tërësisht amerikane, bukuroshja brune dukej mahnitëse teksa rrinte ulur e veshur me një bluzë të bardhë dhe xhinse.

Një sërë imazhesh të tjera tregojnë se vajza e kopertinës së “Vogue Germany” ka një pamje shumë të sofistikuar ndërsa modelon disa Superga.

Leni është bukuroshja e fundit që ka pozuar për markën ikonë të këpucëve, me reklama të mëparshme që shfaqnin njerëz si Hailey Bieber dhe Emily Ratajkowski.

Duke ndjekur hapat e nënës së saj, adoleshentja bëri debutimin e saj si modele në kopertinën e numrit Janar/Shkurt 2021 të “Vogue Germany” së bashku me Heidin, 49-vjeçare. /Telegrafi/