Leotrim Kryeziu tanimë është zyrtarisht një futbollist i Prishtinës.

Reklama

Sulmuesi i talentuar nga Rogana e Kamenicës, edicionin e fundit ishte ndër më meritorët për triumfin e Prishtinës në kampionat.

Kryeziu në kryeqytetin kosovar ishte i huazuar nga skuadra zvicerane Lugano.

Megjithatë kampioni në fuqi i Kosovës ka kryer transferimin e përhershëm të tij.

Ka qenë faqja zyrtare e klubit prishtinas që ka konfirmuar se Leotrim Kryeziu tanimë është një futbollist i tyre duke nënshkruar kontratë tri vjeçare.

“Nga huazimi, Prishtina e transferon Leutrim Kryeziun nga Lugano. Për tre vitet e ardhshme, skuadra siguron vijën e sulmit”, ka shkruar faqja zyrtare e klubit prishtinas.

Reklama

Kujtojmë që Prishtina për Kryeziun fitoi garën me dy ekipet gjilanase, Dritën dhe Gjilanin./Telegrafi/