Mesfushori anglez, Phil Foden ka nënshkruar kontratë të re me Manchester Cityn.
Foden llogaritet njëri nga talentet më të mëdhenj anglez aktualisht në futboll.
18-vjeçari anglez ka debutuar me Cityn më 21 nëntor 2017 në Ligën e Kampionëve ndaj Feyenoordit.
Ai ka debutuar në Ligën e Kampionëve me 17 vjet e 177 ditë dhe është bërë anglezi më i ri që debuton këtë garë.
Foden duke nënshkruar kontratën e re (Foto: Man City/Twitter)
Megjithatë, këtë sezon Foden nuk ka luajtur edhe aq dhe është përfolur për një largim të tij nga Etihad në verën e 2019 si lojtarë i lirë.
Foden dhe Guardiola (Foto: Man City/Twitter)
Por, drejtuesit e kampionit aktual të Ligës Premier kanë reaguar duke blinduar talentin e tyre për shumë vite.
"Phil Foden ka nënshkruar kontratë të re për pesë vite e gjysmë me Manchester Cityt".
"Kjo kontratë e mban në klub deri në qershor të vitit 2024", thuhet në njoftimin e Cityt. /Telegrafi/
